BJMP AKLAN DISTRICT JAIL ININSPEKSYON NG PDEA; ILANG INMATES ISINAILALIM SA DRUG TEST

ININSPEKSYON NG mga tauhan ng Philippine Drug Enforcement Agency (PDEA) ang Aklan district jail ng Bureau of Jail Management and Penology.

Ginalugad ng PDEA ang ward ng mga lalaking inmates at ward ng mga babaeng inmates. Negatibo sa droga ang resulta ng kanilang random inspection.

Ayon kay JSInsp. Denver Beltran, ang inspeksyon na ito ay bahagi ng "Oplan Linis Piitan" ng PDEA, BJMP, at mga kapulisan. Layunin umano nito na madeklara bilang drug free ang district jail.

Isinailalim rin sa drug test ang ilang inmates lalo na ang nag-file ng plea bargaining. Ayon kay SInsp. Beltran nasa 80 porsyento ng mga inmates sa BJMP-Aklan ay sangkot sa iligal na droga.

Kasalukuyang nakakulong ngayon sa district jail ang 439 kalalakihan at 47 mga kababaehan. Sa ngayong, nasa 116 na inmates ang nasa proseso ng plea bargaining program ng Department of Justice.##

- Darwin Tapayan, Energy FM Kalibo
photos by Archie Hilario, Energy FM Kalibo

AKLAN DISTRICT JAIL, DIKLARADONG DRUG-FREE FACILITY

Ulat ni Darwin Tapayan, Energy FM 107.7 Kalibo

Diniklarang drug free facility ang Aklan District Jail ng Bureau of Jail Management and Penology (ADJ-BJMP) base sa resulta ng isinagawang random drug testing sa mahigit 500 inmate rito.

Ginawa ang nasabing drug testing na pinangasiwaan ng BJMP regional office 6 sa kasagsagan ng “Sayaw Kontra sa Droga” noong Mayo 11.

Nagpapasalamat naman si district jail over-all mayor Ryan Dela Cruz sa suporta ng mga tauhan ng district jail lalu na sa paglalaan ng mga makabuluhang aktibidad para sa kanila kabilang na ang nagpapatuloy nilang sports festival ngayon. 

Kamakailan lang ay unang binisita ng relika ng Our Lady of Fatima ang mga preso pagdating nito sa probinsiya bagay na nagbigay umano ng panibagong pag-asa para sa kanila at nagpatatag ng kanilang pananampalataya.

Samantala nanawagan naman si Dela Cruz sa taumbayan na ipagdasal na mapabilis ang pag-usad ng kanilang kaso bagay umano na nagpapahirap sa kanilang kalagayan.