MAYOR NG NABAS NAGDRIVE NG AMBULANSIYA MULA NABAS PATUNGONG KALIBO

NAKUNAN NG larawan ang pagtulong ni Nabas Mayor James Solanoy sa isang pasyenteng na-stroke matapos siya mismo ang magdrive sa ambulansiya madaling araw ng Biyernes.

Nabatid na, pasado ala-1:00 ng madaling araw ay nasa munisipyo pa sya nang dumating ang pamilya dala ang kanilang pasyente na inatake umano ng stroke.

Siya umano ang nagdrive ng ambulansiya mula sa munisipyo ng Nabas patungo sa isang pribadong ospital sa Kalibo sakay ang pasyente.

Mababatid na naibalita rin ang paglilingkod ng alkalde nang siya rin ang nagdrive ng ambulansiya sakay ang manganganak na na Ati.

Ayon kay Mayor Solanoy siya aniya ang nagdridrive palagi kapag pagod na ang kanilang driver.##

MAYOR SA AKLAN NAGDRIVE NG AMBULANSIYA SA ISANG ATI NA MANGAGANAK

ulat ni Archie Hilario, Energy FM 107.7 Kalibo

Marami ang humanga sa kabutihang ginawa ni Mayor James Solanoy ng Nabas, Aklan sa kababayan nating ati (aeta) na humingi ng tulong sa kanya.

Manganganak na raw ito noong mga oras na 'yon kaya agad silang lumapit sa alkalde. 

Hindi na nagdalawang isip ang mayor at agad na pinsakay sa ambulansiya ng munisipyo at siya na mismo ang nagdrive at dinala sa malapit na pagamutan ang kababayan.

Habang nasa biyahe papuntang Kalibo ay tuluyan na ngang lumabas ang bata kaya nagdesisyon sila na idiritsu nalang ito sa Tangalan RHU. 

Ideneklarang patay ang sanggol. Nailigtas naman ang ina sa kapahamakan.

Sa kabila ng kalungkutan ay nagpapasalamat naman ang mag asawang ati na hindi sila tinanggihan ng mayor kahit na sa alanganing oras. 

Hindi raw nila akalain na si Mayor mismo ang magdala sa kanila sa hospital. 

Sana raw ay tularan ng matataas na opisyal at pulitiko ang kabutihang ipinakita sa kanila ni mayor.