Limang bayan sa Aklan balak isailalim sa State of Calamity dahil sa kawalan ng suplay ng tubig sa palayan

ISINUSULONG NGAYON sa Sangguniang Panlalawigan ang pagsasailalim ng limang bayan sa Aklan sa State of Calamity dahil sa kawalan ng suplay ng tubig sa palayan.

Ang mga bayan ito ay ang Banga, Kalibo, New Washington, Makato at Lezo.

Kasunod ito ng resolution no. 1 series of 2018 na ipinasa ng System Management Committee ng Irrigators' Association sa Aklan.

Ipinadala nila sa Executive Branch ng gobyerno probinsyal ang naturang resolusyon pero inirefer muna ito sa pag-apruba ng Sanggunian.

Ang kawalan ng suplay ng tubig na nararanasan ngayon sa mga nabanggit na bayan ay epekto umano ng pagsasara ng National Irrigation System dahil sa konstruksyon ng dam.

Katuwiran nila sa kanilang resolusyon na nakakaranas na umano ng slight El Niño ang mga nabanggit na bayan.

Hindi pa umano nakapagtatanim ng palay ang mga magsasaka. Wala parin umano silang natatanggap na mga binhi na pwede sa tagtuyot na ipinangakong tulong ng gobyerno.

Kailangan umano ang pagsasailalim sa state of calamity sa mga nasabing bayan para magamit umano ang 30 porsyento pondo para sa panahon ng sakuna.

Mababatid na isinara ng NIA ang irrigation system sa West at East side ng probinsiya simula Oktobre para sa konstruksyon ng dam. Aabutin pa umano ito ng anim na buwan.

Pabor naman si Board Member Soviet Dela Cruz, committee chair on agriculture, para dito.

Gayunman ayon kay Board Member Jay Tejada nangangailangan pa umano ng endorsements ng Provincial Disaster Risk Reduction and Management Council.

Sasailalim pa sa pag-aaral ng Sanggunian ang kahilingang ito ng mga irrigators.##

IRRIGATION SYSTEM NG NIA-AKLAN ANIM NA BUWANG ISASARA

ISASARA NG National Irrigation Authority (NIA) - Aklan ang irrigation system sa Aklan sa loob umano ng anim na buwan simula Oktobre.

Ito ang pahayag ni Lorena Sioco, NIA Acting Division Manager sa pagdinig ng Committee on Agriculture sa Sanggunian.

Isa ang NIA sa mga ahensiya ng gobyerno na pinatawag ng Sanggunian para sa pagbusisi sa walang tigil na pagtaas mga presyo ng bigas sa Aklan.

Paliwanag ni Sioco, ang total closure ng East at West irrigation system ay para bigyang-daan ang rehabilitasyon ng mga irrigation canal at ang paggawa ng dam.

Aniya sa kanilang mga inspeksyon sa mga kanal halos kalahati nalang ng tubig ang pumapasok mula sa Aklan river at hindi na nakakarating sa dulo.

Dulot umano ito ng pagbaba ng river bed ng ilog. Maliban rito, may mga bumabara pang mga basura sa mga kanal.

Aniya bagaman ang pagsasara ay makakaapekto sa produksiyon ng palay sa probinsiya pansamantala lamang ito at kapalit naman ay sagana at maayos na patubig.

Dagdag pa niya, ang panahon ng Oktobre at mga susunod na buwan ay panahon naman ng tag-ulan.

Nakipag-ugnayan na umano sila sa mga magsasasaka na umaasa sa patubig ng NIA at kumporme naman umano sila sa hakbang na ito.##

- Darwin Tapayan, Energy FM Kalibo

MGA MAGSASAKA SA AKLAN NANAWAGAN NG MAAYOS NA SISTEMA NG PATUBIG

Nanawagan ngayon ang grupo ng mga magsasaka sa probinsiya sa National Irrigation Administration (NIA) na ayusin at palawigin ang umiiral na sistema ng patubig.

Ipinaabot ito ng grupong Mangunguma sa Aklan (Panguma) sa pamhalaan kasama ng panawagan na gawin ring libre ang sistema ng irigasyon sa bansa.

Ito ang naging hinaing ng grupo sa kanilang naging kilos-protesta sa harapan ng NIA provincial office sa Linabuan Sur kamakailan.

Sinabi pa ni Kim-sin Tugna, provincial coordinator ng Kadamay-Aklan, na nanawagan rin umano ang mga magsasaka sa NIA na maglaan ng mas maayos na serbisyo ng patubig sa kanilang mga tanim na palay at mais.

Dagdag pa rito, ang rally ay bahagi ng panawagan ng Kilusang Magbubukid ng Pilipinas (KMP) para sa mga pagbabagong makakatulong sa mga mahihirap na magsasaka.

Paliwanag ni Tugna, ilang mga kanal sa mga kabarangayan ang hindi parin naayos kasunod ng bagyong Yolanda noong 2013.

Bago maipatupad ang batas sa libreng patubig, mangungulekta parin amg NIA ng irrigation service fee.

Nabatid na nitong Enero ay nagkautang ang mga magsasaka sa NIA ng nasa labingtatlong bilyong piso dahil sa mga hindi nabayarang irrigation fee.