Sucgang sa mga kasama sa konseho: huwag magpadikta batay sa political affiliation

photo: SP-Aklan

NANAWAGAN SI Opposition Board Member Harry Sucgang sa kanyang mga kasama na huwag padidikta batay sa kanilang political affiliation.

Ito ay bahagi ng speech ng opisyal sa kanilang inaugural session nitong Lunes. "Because once we are dictated by our political affiliation we cannot dispense with justice and truth," giit niya.

Nanawagan rin ang abogadong board member sa gobyerno probinsiyal na maging patas ang benipisyong ibinibigay sa bawat miyembro ng Sanggunian.

Aniya, kung ano mang benipisyo ang ini-enjoy ng karamihan sa Sanggunian ay dapat rin aniyang ibigay sa maynoriya.

Mababatid na una nang ipinahayag ni Sucgang sa Energy FM Kalibo na siya at ang incumbent Board Member na si Immanuel Sodusta ay hindi binigyan ng pondo ni Governor Joeben Miraflores noong nakaraang termino.

Si Sucgang at Sodusta ay parehong tumakbo kontra sa grupo ni Gov. Miraflores.

Ang regular presiding officer ng Sanggunian na si Vice Governor Reynaldo Quimpo at ang natitira sa mga board member ay tumakbong kasama ni Miraflores.

Sa kabilang banda, pinasiguro ni Sucgang sa taumbayan na maglilingkod ito ng may katapatan  at integridad.

Binigyang-diin naman ni Board Member Sodusta sa kanyang mensahe sa inaugural session ang kahalagahan ng maynoriya sa Sanggunian.

Si Sucgang ay nahalal bilang chairman ng Committee on Human Rights habang si Sodusta ay nahalal bilang chairman ng Committee on Labor and Employement, mga komitiba na hinawakan rin nila noong nakaraang termino.##

- Kasimanwang Darwin Tapayan, Energy FM Kalibo

ALAMIN: Mga komitiba, chairman, miyembro sa bagong SP Aklan

photo courtesy: SP-Aklan

1. Appropriation, Finance, Ways and Means
Chairman: Jose Miguel Miraflores
Members: Ramon Gelito, Soviet Dela Cruz

2. Barangay Affairs
Chairman: Ciriaco Feliciano
Members: Harry Sucgang, Nelson Santamaria

3. Agriculture and Aquatic Resources
Chairman: Soviet Dela Cruz
Members: Ramon Gelito, Nelson Santamaria

4. Environment
Chairman: Jay Tejada
Members: Teddy Tupaz, Nemesio Neron

5. Disaster Preparedness and Peace and Order
Chairmanship: Nemesio Neron
Members: Harry Sucgang, Jay Tejada

6. Education
Chairmanship: Soviet Dela Cruz
Members: Ramon Gelito, Esel Flores

7. Energy, Public Utilities, Transportation and Communication
Chairman: Nemesio Neron
Members: Jay Tejada, Immanuel Sodusta

8. Games and Amusement
Chairman: Teddy Tupaz
Members: Nemesio Neron, Ciriaco Feliciano

9. Good Governance and Public Accountability
Chairman: Jose Miguel Miraflores
Members: Ciriaco Feliciano

10. Health and Social Services
Chairman: Nelson Santamaria
Members: Juris Sucro, Jose Miguel Miraflores

11. Human Resources
Chairman: Jay Tejada
Members: Teddy Tupaz, Blessie Jizmundo

12. Human Rights
Chairman: Harry Sucgang
Members: Teddy Tupaz, Ramon Gelito

13. Internal Ethics, Privileges and Discipline
Chairman: Ramon Gelito
Members: Ciriaco Feleciano, Blessie Jizmundo

14. Labor and Employment
Chairman: Immanuel Sodusta
Members: Juris Sucro, Harry Sucgang

15. Laws, Rules and Ordinances
Chairmanship: Esel Flores
Members: Nemesio Neron, Immanuel Sodusta

16. NGOs, POs, and Cooperatives
Chairman: Teddy Tupaz
Members: Nemesio Neron, Soviet Dela Cruz

17. Oversight
Chairman: Ramon Gelito
Members: Esel Flores, Nelson Santamaria

18. Land Use, Housing and Urban Relocation
Chairman: Jose Miguel Miraflores
Members: Esel Flores, Juris Sucro

19. Senior Citizens, PWDs, and IPs
Chairman: Jay Tejada
Members: Nemesio Neron, Nelson Santamaria

20. Tourism, Arts and Culture
Chairman: Esel Flores
Members: Soviet Dela Cruz, Juris Sucro

21. Women and Family Welfare
Chairperson: Blessie Jizmundo
Members: Immanuel Sodusta, Jay Tejada

22. Youth and Sports Development
Chairperson: Blessie Jizmundo
Members: Jose Miguel Miraflores, Juris Sucro

23. Trade, Industry and Commerce
Chairman: Juris Sucro
Members: Jose Miguel Miraflores, Esel Flores

24. Science and Technology
Chairman: Juris Sucro
Members: Immanuel Sodusta, Blessie Jizmundo

Php3.6 million halaga ng bus ido-donate ng isang bus company sa Aklan

NAKATAKDANG MAGDONATE ang Vallacar Transit Inc. ng isang unit ng bus sa pamahalaang lokal ng Aklan. Nagkakahalaga umano ito ng Php3.6 million.

Inaprubahan ng Sangguniang Panlalawigan araw ng Lunes ang kahilingan ni Gov. Florencio Miraflores na pumasok sa Deed of Donation para rito.

Hindi naman napag-usapan sa regular session ng Sanggunian kung ano ang paggagamitan ng bus kapag natanggap na ito ng probinsiya.

Ang Vallacar Transit Inc., sa Bacolod City ang nagmamay-ari ng mga Ceres bus na bumibiyahe sa probinsiya ng Aklan.

Ang donasyon ay simbolo umano ng pagpapasalamat ng kompanya sa probinsiya.

Mababatid na una nang nagbigay ng isang unit ng bus ang nasabing kompanya sa pamahalaang lokal ng Kalibo Enero nitong taon.##

- Kasimanwang Darwin Tapayan, Energy FM Kalibo

PCCI-Aklan may panawagan sa kumakandidato sa pagkagobernador

MAY PANAWAGAN ang opisyal ng Philippine Chamber of Commerce and Industry (PCCI) – Aklan sa mga kumakandidato sa pagkagobernador kaugnay ng isyu sa mahinang suplay ng tubig ng Metro Kalibo Water District (MKWD)

Sa ginanap na joint committee hearing sa Sangguniang Panlalawigan nitong Martes sinabi ni Jose Mari Aldicoa, Vice President ng PCCI-Aklan, sa mga miyembro ng komitiba na iboboto nila ang kandidato na pipiliin ang kanilang nominee para kumatawan sa business sector ng MKWD.

Ikinadisdismaya ng grupo na sa 18 taon ay wala umanong napili sa kanilang organisasyon gayong palagi naman silang nagsusumite ng nominee nila sa tanggapan ng gobernador bilang appointing authority.

“We can approach any of the gubernatorial candidates and say promise us that our nominees will be appointed [as board of director of MKWD] and we will campaign for you,” pahayag ni Aldecoa.

“I think we have at least 5,000 registered voters including relatives of our employees who can help the election of any such gubernatorial candidate. Okay ba yon? Kasi for the first time then business sector will be truly represented which never happened.”

Pangiti namang sumagot si Vice Governor Reynaldo Quimpo na presente sa naturang pagdinig at sinabi niyang maaari itong iparating ng kanilang grupo sa mga kandidato at maiintindihan umano nila ito.

Ayon kay Ramil Buncalan, presidente ng organisasyon, sa parehong pagdinig, ang pagkakaroon ng kinatawan mula sa kanilang grupo bilang rehistradong business organization sa Kalibo at sa buong Aklan ay para aniya makatulong rin sa paglutas sa problemang ito na kinahaharap ng MKWD.

Umaasa sila na sa susunod na administrasyon ay mapipili ang kanilang nominee sa MKWD board.##

- Kasimanwang Darwin Tapayan, Energy FM Kalibo

Mga negosyante umalma sa mabagal na aksiyon ng prov'l gov't sa MKWD

UMALMA ANG ilang negosyante sa mabagal na aksiyon ng provincial government sa mahinang suplay ng tubig ng Metro Kalibo Water District (MKWD).

Sa committee hearing sa Sangguniang Panlalawigan ng Aklan ikinadismaya ng ilang opisyal ng Philippine Chamber of Commerce and Industry (PCCI) - Aklan ang mabagal na aksiyon ng Sanggunian.

Matatandaan na una nang nagpasa ng resolusyon ang organisasyon ng mga negosyante na nagpepetisyon sa Sanggunian na usisain at bigyang tugon ang problema sa suplay ng tubig na Hulyo pa umano ng nakaraang taon nagsimula.

related story: Mga negosyante sa Aklan umaangal dahil sa mahinang suplay ng tubig ng MKWD

Nitong Martes ay pinatawag ng joint committee sa pangunguna ni Committee Chairperson on Energy and Utilities Board Member Nemisio Neron ang PCCI-Aklan para sa pagdinig.

Ikinadismaya nila na hindi kasamang ipinatawag ng komitiba ang MKWD para sana sumagot sa kanilang mga katanungan at mga hinaing.

Ipinaliwanag naman ni Board Member Dela Cruz na sumusunod lamang sila sa legislative process. Sinabi niya na may pending legislative inquiry pa ang parehong komitiba na kinasasangkutan rin ng parehong water provider.

Ayon kay Vice Governor Reynaldo Quimpo na presente rin sa hearing, hindi pa natutugunan ang problemang idinulog ng mga taga-Balete sa Sanggunian Hunyo pa ng nakaraang taon.

related story: "Poor water supply" ng MKWD sa bayan ng Balete iimbestigahan ng Sangguniang Panlalawigan

Iniimbestigahan rin aniya ng komitiba ang reklamo ng ilang residente kontra sa MKWD sa mga nakatiwangwang na mga pagbubungkal ng lupa sa ilang kabarangayan sa bayan ng New Washington.

Kaugnay rito nais ng komitiba na ireserba muna ng PCCI ang kanilang mga katanungan kung saan ipatatawag nila sa susunod na pagdinig ang MKWD para makaharap ng organisasyon.

Bago ang susunod na pagdinig ipinasusumite ng komitiba ang mga opisyal ng organisasyon ng mga dokumento gaya ng mga larawan at mga sinumpaang salaysay kaugnay ng kanilang reklamo.

related story: Mahina at malabong suplay ng tubig ng MKWD idinulog sa Energy FM Kalibo

Sinabi rin ni Vice Governor Quimpo na magpapatawag rin sila ng public hearing kaugnay ng reklamo sa mahina at malabong suplay ng tubig ng MKWD.

- Kasimanwang Darwin Tapayan, Energy FM Kalibo

Mga negosyante sa Aklan umaangal dahil sa mahinang suplay ng tubig ng MKWD

UMAANGAL NGAYON ang ilang negosyante sa probinsiya ng Aklan na apektado ng ilang buwan nang mahinang suplay ng tubig ng Metro Kalibo Water District (MKWD).

Kaugnay rito isang resolusyon ang ipinasa ng Philippine Chamber of Commerce (PCCI) - Aklan Chapter upang ipetisyon sa Sangguniang Panlalawigan ang pag-imbestiga sa problema.

Saad ng PCCI sa kanilang Resolution 2019-02-12-01, Hulyo pa ng 2018 nararanasan ng mga miyembro at opisyal ng organisasyon ang low pressure sa suplay ng tubig ng MKWD.

Dahil sa epekto nito sa kanilang negosyo nanawagan ang organisayon ng mga negosyante sa Sangguniang Panlalawigan na alamin at bigyan ng solusyon ang problema.

Sa regular session ng SP araw ng Martes napagkasunduan na pag-usapan ang problema sa committee level para ipapatawag ang MKWD para pagpaliwanagin.

Nabatid na may pending pang inquiry ang Sanggunian sa reklamo ng mga taga-Balete sa mahinang suplay ng tubig ng MKWD sa kanilang bayan.

Ang MKWD ay nagsusuplay ng tubig sa mga bayan ng Kalibo, New Washington, Banga, Balete, Batan at Numancia.##

- ulat ni Kasimanwang Darwin Tapayan, Energy FM Kalibo

Provincial Tourist Regulatory and Enforcement Unit isinusulong sa SP Aklan

photo RB Bachiller

ISINUSULONG NGAYON sa Sangguniang Panlalawigan ang pagbuo ng Aklan Provincial Regulatory Enforcement Unit para tutukan ang mga banyagang pumapasok sa probinsiya.

Ito ang rekomendasyon ng joint committee sa pangunguna ni Board Member Nemesio Neron, Chair on Committee on Peace and Order, kasunod ng kanilang mga pagdinig sa presensiya ng umano'y mga iligal na banyaga na nagtratrabaho sa Aklan.

Una nang inirekomenda ng Sanggunian sa Bureau of Immigration at Department of Labor and Employment na magdagdag ng tauhan sa Aklan para tuonan ang suliranin subalit wala pang positibong tugon rito.

Noong Disyembre 19, 2018 sa pagdinig ng Sanggunian sinabi ng kinatawan ng DOLE-Aklan nasa 163 Alien Employment Permit ang ibinigay nila sa mga banyaga dito sa probinsiya.

Sa bilang na ito ay 123 umano ang sa Boracay at 41 ang sa Kalibo maliban pa rito ang mga foriegner na nagtratrabaho sa isang ginagawang hydropower plant sa Madalag kung saan wala umano silang rekord.

Ginisa rin noon ng joint committee ang kinatawan ng BI dahil sa kakulangan ng monitoring sa mga banyaga na pumapasok at nagtratrabaho sa probinsiya.

Sang-ayon naman sa rekomendasyon ang plenaryo sa kanilang regular session araw ng Lunes. Ida-draft palang ang ordenansa para sa pagbuo ng isang Tourist Regulatory and Enforcement Unit.##

- ulat ni Kasimanwang Darwin Tapayan, Energy FM Kalibo

Revenue code ng probinsiya nais baguhin pabor sa libreng terminal fee sa mga Aklanon

MULING PAG-AARALAN ng Sangguniang Panlalawigan ng Aklan ang isinusulong na revised revenue code ng probinsiya ngayong taon pabor pagbibigay ng libreng terminal fee sa mga residente ng Aklan na bumibisita sa Isla ng Boracay.

Iminungkahi ni SP member Soviet Dela Cruz sa regular session ng Sanggunian noong Enero 14 na muling pag-aralan ng Committee of the Whole ang revised revenue code lalo na ang binanggit na probisyon bago nila ito aprubahan sa ikalawa at ikatlong pagbasa.

“The committee of the whole failed to consider the main problem that is frequently meet at the Caticlan jetty port – the issue on who can avail of the free terminal fee amounting to Php100 for residents of Aklan,” pahayag ng opisyal.

“Although this was presented during the committee and public hearing this was not extensively discussed and the provision of the old revenue code is almost adopted in toto which is if we are going to carry this in the revised revenue code it well still continue to have the same issue and different interpretation.”

Matatandaan na Pebrero noong nakaraang taon sumailalim sa pagdinig ang usapin sa terminal fee sa jetty port. Iminungkahi rito na idagdag ang iba pang valid ID kabilang na ang barangay ID at sedula bilang proof of residents para mapalawak pa ang makaavail ng libreng terminal fee.##

- Ulat ni Kasimanwang Darwin Tapayan, Energy FM Kalibo

DBP sinagot ang pagkakadawit sa kaso na isinampa ni Rodson Mayor laban sa mga opisyal ng probinsiya

PORMAL NANG sinagot ng Development Bank of the Philippines ang kaso na isanampa ni dating Board Member Rodson Mayor kung saan dawit ang bangko.

Mababatid na hiniling ni Mayor sa korte na ipawalang-bisa ang resolution 2018-962 na ipinasa ng Sangguniang Panlalawigan na nag-aapruba sa Php1.53 billion na loan facility ng probinsiya sa nabanggit na bangko.

Inirereklamo ng dating opisyal ang 11 mga miyembro ng Sangguniang Panlalawigan kasama ang bise gobernador at ang gobernador sa umanoy iregularidad sa ipinasang resolusyon.

Sa apat na pahinang sagot ni Kenneth Alovera, Counsel for DBP na nakabase sa Iloilo, sinabi niya na hindi dapat sa branch office sa Kalibo isinilbi ang summon ng korte kundi sa kanilang central office.

Bagaman inamin niya na inaprubahan ng DBP ang Php1.53 billion na loan application ng probinsiya, pinabulaanan naman niya nila na may direkta silang partisipasyon sa pag-apruba ng resolusyon.

Kaugnay sa mga binanggit na punto sa sagot ng DBP hiniling ng kanilang consultant na alisin ang bangko bilang "party respondent" sa kasong isinampa ni Mayor laban sa kanila.##

Panibagong petisyon isinampa sa korte para ipawalang-bisa ang takdang pag-utang ng probinsiya sa DBP

ISANG PANIBAGONG petisyon ang isinampa sa Aklan Regional Trial Court para ipawalang bisa ang pag-utang ng gobyerno probinsiyal sa Development Bank of the Philippines.

Ang petisyon na may civil case no. 10999 ay isinampa nina Ramon Legaspi Jr. at Ramy Panagsagan araw ng Biyernes, Disyembre 21.

Inirereklamo nila ang lahat ng miyembro ng Sangguniang Panlalawigan maliban lamang kina Board Member Atty. Noly Sodusta at Atty. Harry Sucgang na kontra sa nasabing loan.

Inirereklamo rin ang regular presiding officer ng Sanggunian na si Vice Gov. Reynaldo Quimpo at si Gov. Florencio Miraflores. Damay rin si Gina Ta-ay, manager ng Development Bank of the Philippines.

Nais ipawalang bisa ng mga petisyoner ang Sangguniang Panlalawigan resolution no. 2018-962 na nagbibigay otoridad kay Gov. Miraflores na pumasok sa kasunduan sa DBP para sa kabuuang loan facility na Php1,053,000,000.00.

Nakasaad sa petisyon na iligal at hindi dumaan sa tamang proseso ang pag-apruba ng naturang loan facility. Tinawag rin nila na “master magicians” sina Board Member Jose Miguel Miraflores, Soviet Dela Cruz at Andoy Gelito.

Anila minagik umano ng mga nabanggit na opisyal ang nasabing halaga sa kanilang committee hearing mula sa orihinal na kahilingan ng gobernador na Php153,000,000 lamang.

Tutol sila sa nasabing loan facility dahil maaari umano itong gamitin sa kurapsyon sa panahon ng eleksyon. Ito ay magiging dagdag pahirap umano sa mga Aklanon.

Matatandaan na una nang nagsampa ng petisyon si dating Board Member Rodson Mayor sa parehong bagay. Nakasalang na sa branch 4 ng Aklan RTC para sa pagdinig ang kanyang petisyon na may civil case no. 10992.

Mababatid na inamyendahan ng Sanggunian ang nasabing resolution at ang loan facility sa DBP na pinagtibay o niritepika nila ay Php1,000,000,000 lamang.##

State of Calamity sa anim na bayan ng Aklan aprubado na

INAPRUBAHAN NA ng Sangguniang Panlalawigan araw ng Biyernes ang resolusyon na nagsasailalim sa State of Calamity ng anim na bayan sa Aklan.

Matatandaan na nagpasa ng resolusyon ang System Management Committee (SMC) na binubuo ng Federation of IrrigatorsAssociation. Inc. at ng mga pamahalaang lokal.

Bagaman ang nasa resolusyon nila ay isasailalim sa State of Calamity ang mga bayan ng New Washington, Banga, Kalibo, Makato at Lezo ay dinagdag ng Sanggunian ang Numancia.

Ayon kay Committee on Agriculture Chairperson Soviet Dela Cruz nasa 17 hektarya rin umano ng sakahan sa Numancia ang apektado sa pagsasara ng irigasyon.

Ang resolusyong ito ay inindorso ng Provincial Disaster Risk Reduction Management Council.

Ayon sa SMC nakakaranas na umano ng bahagyang El Niño at hindi pa umano nakakatanim ng palay ang mga magsasaka dahil sa kawalan ng suplay ng tubig.

Hindi pa rin umano nila natatanggap ang mga binhi na ipinangakong tulong ng gobyerno na gagamitin umano pamalit sa mga binhi na nangangailangan ng patubig.

Kapag nalagdaan na ng gobernador maaari nang gamitin ng probinsiya ang 20 porsyento ng calamity fund at 30 porsyento ng quick response funds.

Gagamitin ang mga pondo para mapagaan ang epekto ng pagsara ng irigasyon lalo na sa mga magsasaka.##

- ulat ni Kasimanwang Darwin Tapayan, Energy FM Kalibo

Vice Governor Quimpo ipinaliwanag kung bakit umuutang ang gobyerno probinsyal

IPINALIWANAG NI Vice Gov. Reynaldo Quimpo sa isang press conference kung bakit kailangang umutang ng gobyerno probinsiyal.

Ang kaniyang pahayag ay kasunod ng katanungan ng media kung paano matutulungan ng gobyerno probinsiyal ang mga mahihirap na pasyente  na kailangan ipagamot sa labas ng probinsiya.

Sinabi niya na naglaan ng Php50 million ang pamahalaang probinsyal para sa indigency program sa ilalim ng tanggapan nf gobernador para gamitin tulong medikal sa mga mahihirap.

Sa kabila nito aminado si Vice Gov. Quimpo na kulang parin aniya ang pondong ito. Ito aniya ang dahilan kaya umuutang ang probinsiya upang gamitin sa mga proyekto na pwedeng pagkakakitaan.

"Kinahangean naton nga mag-utang agud maayudahan pa gid naton it abu ro aton nga mga kasimanwa nga nagakinahangean it bulig pinaagi sa mga revenue-generating nga mga proyekto," sabi niya.

Kabilang sa mga binanggit ng bise gobernador na mga proyekto ay ang pagtatayo ng panibagong pier sa Caticlan para gamitin ng mga RoRo vessel. Dagdag kita umano ito sa probinsiya.

Mababatid na ang pondong gagamitin rito ay uutangin mula sa Land Bank.

Binanggit rin niya ang planong pagtatayo ng tourist night market sa Boracay para sa mga displaced workers. Ito ay popondohan mula sa uutanging Php1 billion sa Development Bank of the Phippines.

Mababa aniya ang Internal Revenue Allotment dependency ng probinsiya para sa taong 2019 na nasa 53 porsyento dahilan para maghanap ng lokal na mapagkakakitaan ang kapitolyo.

Sinabi rin niya na sa kabila ng pagsara ng Boracay hindi umano nila nilimitahan ang budget para sa social services na nasa 40 porsyento ng mahigit Php2 billion kabuuang budget sa 2019.

"Without fear of contradiction, I can declare nga rayang administrasyon do may minatuod-tuod nga pagkabaeaka, pagtatap sa mga kubos naton nga mga igmanghod," pahayag ng opisyal.##

- ulat ni Kasimanwang Darwin Tapayan, Energy FM Kalibo

Limang bayan sa Aklan balak isailalim sa State of Calamity dahil sa kawalan ng suplay ng tubig sa palayan

ISINUSULONG NGAYON sa Sangguniang Panlalawigan ang pagsasailalim ng limang bayan sa Aklan sa State of Calamity dahil sa kawalan ng suplay ng tubig sa palayan.

Ang mga bayan ito ay ang Banga, Kalibo, New Washington, Makato at Lezo.

Kasunod ito ng resolution no. 1 series of 2018 na ipinasa ng System Management Committee ng Irrigators' Association sa Aklan.

Ipinadala nila sa Executive Branch ng gobyerno probinsyal ang naturang resolusyon pero inirefer muna ito sa pag-apruba ng Sanggunian.

Ang kawalan ng suplay ng tubig na nararanasan ngayon sa mga nabanggit na bayan ay epekto umano ng pagsasara ng National Irrigation System dahil sa konstruksyon ng dam.

Katuwiran nila sa kanilang resolusyon na nakakaranas na umano ng slight El Niño ang mga nabanggit na bayan.

Hindi pa umano nakapagtatanim ng palay ang mga magsasaka. Wala parin umano silang natatanggap na mga binhi na pwede sa tagtuyot na ipinangakong tulong ng gobyerno.

Kailangan umano ang pagsasailalim sa state of calamity sa mga nasabing bayan para magamit umano ang 30 porsyento pondo para sa panahon ng sakuna.

Mababatid na isinara ng NIA ang irrigation system sa West at East side ng probinsiya simula Oktobre para sa konstruksyon ng dam. Aabutin pa umano ito ng anim na buwan.

Pabor naman si Board Member Soviet Dela Cruz, committee chair on agriculture, para dito.

Gayunman ayon kay Board Member Jay Tejada nangangailangan pa umano ng endorsements ng Provincial Disaster Risk Reduction and Management Council.

Sasailalim pa sa pag-aaral ng Sanggunian ang kahilingang ito ng mga irrigators.##

Opisyal ng Immigration sa Aklan di kayang i-monitor ang mga di dokumentadong banyaga sa probinsiya

GINISA SA pagdinig ng joint committee sa Sangguniang Panlalawigan ang opisyal ng Bureau of Immigration sa Aklan dahil sa kakulangan ng monitoring sa mga banyaga na pumapasok at nagtratrabaho sa probinsiya.

Isa ang BI sa pinatawag ng joint committee na pinangunahan ni Board Member Nemesio Neron ng Committee on Peace and Order para dinggin ang usapin sa umano’y presensiya ng mga hindi dokumentadong banyaga sa Aklan.

Sa pagdinig sinabi ni Rey Daquipil, Deputy Alien Control Officer ng Kalibo at Boracay Immigration Office, na walang hindi dokumentadong banyaga sa Aklan pero sa kasagsagan ng pagtatanong sa kanya ng mga lokal na mambabatas sinabi niya na wala siyang alam.

Inamin rin ni Daquipil na hindi nila kayang i-monitor ang mga banyagang nagtratrabaho sa probinsiya dahil sa kakulangan nila ng tauhan.

Alam aniya na may mga banyagang nagtratrabaho sa bayan ng Madalag pero hindi nila hawak ang mga listahan ng mga ito o kung ito ba ay may working visa o permit mula sa Department of Labor and Employment (DOLE).

Ayon kay Joeuella Faiganan, Labor and Employment Officer II ng DOLE – Aklan, na sa kanilang pinakahuling tala ay mayroong 163 Alien Employment Permit ang ibinigay nila sa mga banyaga dito sa probinsiya.

Sa bilang aniya na ito ay 123 ang sa Boracay at 41 ang sa Kalibo. Sinabi ni Faiganan na wala siyang alam na may mga banyagang nagtratrabaho sa bayan ng Madalag.

Sinabi pa ni Daquipil na nalalaman lamang nila na may mga iligal na banyaga sa isang lugar kapag may nagreport sa kanila at bibirepekahin ng kanilang intel operatives mula pa sa Manila.

Dismayado naman ang ilang mga miyembro ng Sanggunian sa kaluwagang ng BI at ng DOLE. Sinabi ni Neron na masakit isipin na lumuluwas pa ng ibang bansa ang mga kababayan natin samantalang ibinibigay natin sa banyaga ang mga trabahong kaya naman nating gawin.

Una nang nagpasa ng resolusyon ang Sanggunian na humihiling sa BI at sa DOLE na dagdagan ang kanilang mga tauhan sa Aklan para mamonitor ng maigi ang mga iligal na foreigner dito. Pero lingid umano sa kaalaman ng mga kinatawan ng parehong mga ahensiya ng gobyerno.

Kaugnay rito sinabi ni Neron na isusulong niya ang pagtatayo ng Aklan Tourist Regulatory Office na naglalayong tutukan ang mga undocumented foreigners dito.##

Dating board member Mayor sa SP-Aklan at DBP: kurap, iskandaloso

"THE MOST scandalous, anomalous, corrupt, fraudulent legislation by the Sangguniang Panlalawigan of Aklan has ever enacted".

Energy FM Kalibo photo

Ito ang bansag ni dating board member Rodson Mayor sa ipinasang ordinansa ng Sanggunian para makautang ang gobyerno probinsiyal sa bangko.

Sa panayam ng Energy FM Kalibo umaga ng Lunes sinabi ni Mayor na nagsabwatan umano ang Sanggunian at ang Development Bank of the Philippines para sa Php1 billion na loan facility.

Inakusahan rin ni Mayor ang Sanggunian na dinagdagan ang uutangin ng probinsiya mula sa orihinal na hinihingi ni Governor Florencio Miraflores na Php153 million lamang.

Sinabi niya na minadali nila ang pag-apruba rito para gamitin sa eleksyon. "Mayad ta kamo gautang hay sino gabayad? Ro pumueuyo nga nagabayad it taxes pambayad sa utang ngara nga ginagamit sa eleksyon."

Handa umano siya na sagutin ang anomang kaso na isasampa laban sa kanya kasunod ng kanyang mga akusasyon batay sa panayam sa kanya ni Kasimanwang Jodel Rentillo sa programang Prangkahan.

Nitong Disyembre 13 ay naghain ng petisyon ang dating opisyal sa Aklan Regional Trial Court upang ipawalang bisa ang naturang ordinansa na inaprubahan ng Sanggunian.

Sinubukan naming kunin ang reaksiyon ni Vice Governor Reynaldo Quimpo bilang regular presiding officer ng Sanggunian kaugnay sa petisyong ito kontra sa kanila pero tumanggi ito at sinabing premature pa na sagutin ito.

Napunta sa branch 4 ng korte ang pagdinig sa nasabing kaso na may Civil Case no. 10992.##

- Kasimanwang Darwin Tapayan, Energy FM Kalibo

Mga hindi dokumentadong banyaga sa Aklan iimbestigahan ng Sangguniang Panlalawigan

PINAIIMBESTIGAHAN NI Sangguniang Panlalawigan Board Member Nemesio Neron ang umano'y presensiya ng ilang banyaga sa Aklan na walang mga kaukulang dokumento.

Sinabi ni Neron sa regular session ng Sanggunian karamihan umano sa mga hindi dokumentadong banyaga ay mga nasa bayan ng Madalag, Kalibo at Malay.

Aniya may mga banyaga na nagtratrabaho sa bansa kabilang na sa Aklan ang nagtratrabaho ng umano'y walang Alien Employment Permit. Nakakabahal umano ang pagtaas ng kanilang bilang.

Matatandaan na Marso ay pinaimbestigahan rin Neron ang pagkakaroon ng mga hindi dokumentadong banyaga sa probinsiya lalo na sa Isla ng Boracay.

Sa pagdinig noon, inamin ni Isser Harrel Magbanua, alien control officer ng Bureau of Immigration - Aklan, na mayroon ngang mga iligal na banyaga ang nasa Aklan lalo na sa Isla.

Sinabi niya na hirap ang kanilang tanggapan na mamonitor at mahuli ang mga ito dahil sa kakulangan umano ng tauhan.

Pansamantalang itinigil noon ang pag-iimnestiga sa usapin dahil sa anim na buwang pagsara sa Isla ng Boracay simula Abril.

Sa darating na Martes ay nakatakdang ipatawag uli ang Immigration sa pagdinig ng joint committee para i-update ang Sanggunian kaugnay rito.

Ipapatawag rin ang mga hepe ng Madalag, Kalibo at Boracay, at iba pang mga kinuukulan.##

- Kasimanwang Darwin Tapayan, Energy FM Kalibo

Mahigit Php2 billion budget ng Aklan lusot na sa komitiba ng Sangguniang Panlalawigan

Energy FM Kalibo photo

LUSOT NA sa Committee of the Whole ng Sangguniang Panlalawigan araw ng Martes ang pag-apruba sa Php2,045,746,825 annual budget sa susunod na taon 2019.

Ayon kay SP Acting Secretary Josefa Elena Martin ang budget sa 2019 ay mas mataas ng siyam na porsyento o Php184 million kumpara sa kasalukuyang taon.

Sa susunod na regular session ng Sanggunian ay isasalang na sa ikalawa, ikatlo at huling pagbasa ang ordinansa kaugnay rito. Inaasahan na maaaprubahan ito bago magbakasyon ang mga opisyal.

Nabatid na sa kabuuang budget, 53 porsyento (Php1,096,246,825)  ang mula sa Internal Revenue Allotment, walong porsyento ang galing sa Tax and Non-Tax Revenue (Php158,350,000) – mas mataas ng 11 porsyento kumpara sa taong 2018.

Habang ang natitirang 39 porsyento (Php791,150,000) ay mula sa Economic Enterprise. Mas mababa umano ito ng walong porsyento sa 2018 budget sanhi ng anim na buwang pagsara sa Isla ng Boracay.

Sinabi ni Vice Gov. Boy Quimpo na sa kabuuang budget 40 porsyento ang ilalaan para sa serbisyo pangkalusugan o katumbas ng Php817,055,889.

Sinabi pa niya na aabutin pa ng nasa dalawang taon bago makabawi ang gobyerno probinsiyal sa pagbaba ng pondo ng Economic Enterprise Development Department dahil sa pagsara ng Boracay.

Sa lahat ng budget allotment, pinakamalaki ang mapupunta sa pamamalakad ng Dr. Rafael S. Tumbukon Memorial Hospital, sweldo sa mga tauhan at iba pang gastusin – Php448,037,011.

Pangalawa ang tanggapan ng gobernador sa may pinakamalaking ilalaang pondo -- Php308,442,875.25.##

Touching speech of first ever ASU alumnus to top in fisheries licensure exam

The following is a speech dilevered by Jonniel Saltoc Leyson of Brgy. Bubog, Numancia after he was awarded by the Sangguniang Panlalawigan of Aklan a resolution of commendation.

Mr. Leyson was placed among the top ten in the October 2018 Fisheries Technologies Licensure Examination given by the Professional Regulations Commission on October 24 and 25. According to an SP Resolution of Commendation, he was the first ever Aklanon fisheries graduate of Aklan State University to land among the top ten placers among the passers in the said examination since 2003.

To the provincial government of Aklan, headed by Hon. Reynaldo Quimpo,  to the Sangguniang Panlalawigan Members of Aklan Both in Western and Eastern District, Guests, parents, ladies and gentlemen, good afternoon.

I am very grateful to the Sannguniang Panlalawigan of Aklan for holding a commendation ceremony for me. But before anything else, allow me give you a short overview of the story of my success.

It all started with a curiosity that pushed me enter this profession. Honestly, my dream original dream before is to become a lawyer, but my family cannot afford to send me to a Law school. Since, I came from a Fisheries secondary high school, my mentors told me before that this track will provide opportunities for me in the future - and they were right.

FISHERIES! A college degree program offered by several state universities and colleges in the Philippines, which most people are unfamiliar and are not interested. However, despite of being nescient from this degree, I still took up the courage to enroll. Upon entering this profession, banters and discriminators still asked questions like; “siin man kamo pagkatapos nyo una? Sa baybay?” or “so mga mangingisda malang gali kamo dayon”. As well as, people says “Why Fisheries?” So what! We Fisheries students’ deals with science and science are very difficult to deal with. These statements may sound cliché but honestly, it left us being discriminated from our chosen field of professionalism. However, these statements became an inspiration to us to pursue and enlighten them that this profession plays a vital role to everyone.

Being a fisheries graduate and professional, comes a great responsibility to our nation. People may knock us down, but we play a vital role to the country.“Mangingisda malang?”  Excuse me? We feed you! We don’t literally but fisheries do -with us! Today, as the Fisheries sector of our country is suffering from the crisis of sustainability it is our duty as a fisheries graduate to create solution to supply sufficient food in the plates of many Filipinos. Recent researches say that in 2050, wild catch will no longer prevail and aquaculture will be the backbone for the supply of Fish in the market. This is just one of the problems in the industry that we are indeed needed to impart effective solutions with. That’s how important US the Fisheries Professionals and Graduates in the country.

On the other hand, I am very happy that I have taken up this field as well as I am grateful to the people behind this success. First and foremost, to our Almighty Father, for giving me wisdom, strength, courage and determination as well as for allowing me to enjoy this grace. To my parents, who have exerted so much effort in sending us to school and providing our needs especially in the financial aspects and for never stop believing that I can do this despite of the trials that I have encountered in filing for the Board Examination. To my Friends, who cheered me up every time I doubt myself; for all of the memories that we have during our review days. To my mentors who never fails to share their knowledge and expertise to us. To Aim To Top Aklan and to Dr. Reynaldo Paler and his Team, for trusting me that I can slay this board exam easy. To the Sangguniang Panlalawigan members of the province of Aklan, for giving me recognition and for commending my achievement as one of the Board Exam Topnotchers for Fisheries Technologist. To everyone who in one way or another helped me, Thank you so much! You guys are all amazing!

Thank you so much everyone and once again Good afternoon!

Mahigit Php2 billion - budget ng probinsiya ng Aklan sa 2019

PINAG-AARALAN NGAYON sa Sangguniang Panlalawigan ng Aklan ang pag-apruba sa Php2,045,746,825 annual budget sa susunod na taon 2019.

Ito ang ibinalita ni Vice Gov. Reynaldo Quimpo sa mga media workers sa kanyang mensahe sa KBP-Aklan Broadcaster's Ball 2018 gabi ng Linggo.

Sa kabuuang pondo 61 porsyento umano rito ang regular fund samantalang ang 39 porsyento naman ang Economic Enterprise and Development Department (EEDD) fund.

Ipinagmalaki ni Vice Gov. Quimpo na sa kabuuang budget 40 porsyento nito ang ilalaan para sa serbisyo pangkalusugan o katumbas ng Php817,055,889.

"I don't know which province, which city, which municipality allocates 40 percent of their total budget. I think it is only the province of Aklan," sabi ng opisyal.

"Lately we have spent so much, we have allocated so much to improved our hospital owned and operated by the province of Aklan.

"We have added facilities, we have added personnel and upgraded the status from level one to level two and some infirmaries to level 1 hospital," paliwanag niya.

Kung ikukumpara sa taong ito, doble ang inilaang pondo ng gobyerno probinsiyal para lamang sa Dr. Rafael S. Tumbokon Memorial Hospital. Nasa Php400 million umano ang pondo rito sa 2019.

Samantala, sinabi ng bise gobernador na aabutin pa ng dalawang taon bago makabawi ang gobyerno probinsyal sa kita kasunod na pagsara ng Isla ng Boracay.##

- Kasimanwang Darwin Tapayan, Energy FM Kalibo

Php1 billion loan facility sisimulan nang utangin ng gobyerno probinsiyal sa bangko

SISIMULAN NANG utangin ng gobyerno probinsiyal ng Aklan ang Php1 billion loan facility sa Development Bank of the Philippines.

Sinusulong ngayon sa Sangguniang Panlalawigan ang paunang utang na Php100 million para gamitin sa iba-ibang infrastructure projects.

Kabilang sa paglalaanan ng pondo ay ang
pagbili at pagsasaayos ng mga heavy equipment, pagtatayo ng oxygen generating plant, at pagbili ng medical waste decomposer.

Inaprubahan na ng Committee of the Whole ng Sanggunian araw ng Martes ang kahilingan ng executive branch na isama ang mga proyekto sa Annual Investment Plan.

Habang pinasusumite pa ng Sanggunian ang executive branch ng detalye ng iba-ibang proyekto na popondohan mula sa Php100 million na uutangin.

Sa pagdinig ng komitiba sinabi ni Berdandino Villaruel ng Provincail Treasurer's Office na base sa kasunduan ng gobyerno probinsiyal at ng bangko, kailangang mautang muna ang nabanggit na halaga bago makautang ng karagdagan.

Ang uutanging Php1 billion mula sa bangko base sa kahilingan ng gobernador ay gagamitin umano sa pagpopondo sa iba-ibang proyekto ng gobyerno probinsiyal.##

- Kasimanwang Darwin Tapayan, Energy FM Kalibo