FOOD TOURISM SITE PLANONG ITAYO SA BAYAN NG KALIBO

Ulat ni Darwin Tapayan, Energy FM 107 .7 Kalibo

Plano ngayon ng pamahalaang lokal ng Kalibo ang pagtatayo ng food tourism site sa kabiserang bayang ito.

Sinabi ni Rhea Meren, tourism officer ng Kalibo, sa pagharap sa regular session ng Sanggunian, itatayo ito sa kahabaan ng Veterans Avenue at tatawaging “Kalye Kulinarya sa Kalibo” (KKK).

Paliwanag ni Meren, ito ay resulta ng kahilingan ng iba-ibang tourism establishment para magbigay-sigla sa bayan ng Kalibo lalu na paggabi.

Nagsagawa narin umano ng ilang konsultasyon at pagpupulong ang pamahalaang lokal sa ilang mga negosyante at mga residente. Positibo umano ang kanilang mga reaksiyon rito.

Kaugnay rito, isinusulong ngayon ni committee chairman on tourism Sangguniang Bayan member Philip Kimpo Jr. ang pagsasabatas ng KKK.

Nakatakda itong sumailalim sa pagdinig sa Oktubre 30 para pag-usapan ang mga hinaing ng mga apektado kabilang na ang kalinisan, kaayusan ng lugar, at iba pa.

Sa Nobyembre 3, magkakaroon ng soft opening ang KKK sa kasagsagan ng founding anniversary ng Kalibo.

SIMULATION DRILL NAUWI SA AKSIDENTE: SEKYU NABARIL NG POLICE SA CATICLAN AIRPORT

ulat ni Darwin Tapayan, Energy FM 107.7 Kalibo

Nhick Tanan / FB

Malubhang sugatan ang 27-anyos na sekyu matapos aksidente umanong nabaril ng aviation police Byernes ng gabi (Oct. 27) sa Caticlan Airport.

Kinilala ang nasabing biktima na si Nhick Tanan, tubong Iloilo at kasalukuyang nakatira sa Nabas.

Ang suspek ay kinilala namang si PO2 Benedicto De Jorge Etrata.

Nagkaroon ng counter-terrorism simulation exercise ang kapulisan kasama ang nasabing gwardiya. Nabatid na ang biktima ay umaaktong terorista.

Tinamaam ng bala ng 9mm ang nasabing gwardiya sa kanyang dibdib. Unang isinugod sa ospital sa Malay ang gwardiya matapos ang nasabing insidente.

Nabatid na hindi naalis ang bala ng baril bago ang naturang simex.

Pansamantalang nasa kostudiya ngayon ng Airport Police ang suspek samantalang iniimbestigahan na ng Malay municipal police station ang insidente.

Samantala patuloy na ginagamot sa intensive care unit ng pribadong ospital sa Kalibo ang nasabing gwardiya.

Ayon sa pamilya ng biktima, stable na ang kanyang kalagayan.

DAHIL SA TUNA, DALAWANG LALAKI NAKULONG

ulat ni Darwin Tapayan, Energy FM 107.7 Kalibo

Arestado ang dalawang lalaking ito matapos magnakaw ng tinatayang 30 kilong tuna sa tabing-baybayin ng Brgy. Pook, Kalibo Biyernes ng umaga (Oct. 27).

Kinilala ng kapulisan ang mga ito na sina Vicente Sartillo, 36-anyos alyas Enting at Arnel Dela Rosa, 26, parehong residente ng nabanggit na lugar.

Salaysay ng biktimang si Anthony Villaruel bibilhin na umano niya ang tuna pagdating sa tabing-dagat ng biglang dumating ang mga suspek sakay ng motorsiklo.

Kwento pa ng mangingisdang si Ricky Blancaflor bumunot pa umano ng baril si alyas Enting saka pwersahang inagaw ang isda at mabilis na sumakay sa motorsiklo.

Sa follow-up operation ay naaresto ang dalawa sa nasabing lugar. Hindi na narekober ang isda na ayon sa imbestigador ay posibleng naibenta na.

Napag-alaman na si alyas Enting ay may dati naring kaso ng pagnanakaw.

Nakakulong na ang dalawa sa Kalibo police station at nakatakdang sampahan ng kaukulang kaso.

8-ANYOS NA BATA POSIBLENG GINAHASA BAGO GILITAN SA LEEG AT SUNUGIN SA GUADALUPE LIBACAO

Iniimbestigahan na ng kapulisan kung sino ang may kagagawan sa karumal-dumal na pagpatay sa 8-anyos na batang si Chrisha Nobleza ng Julita Libacao, Aklan.

Martes umano ng tanghali pumunta sa taniman ng mani ang bata para tumulong sa magulang nito ngunit hindi na ito nakarating roon. Bagay na ikinabahala ng kanyang ama.

Hanggang sa sumapit na ang gabi ay hindi rin nakauwi ng bahay si Chrisha. Kaya labis na ang kanilang pag-aalala sa bata kaya hinanap nila ito ngunit walang makapagturo sa kinaroroonan ng bata.

Biyernes ng hapon, sa patuloy na paghahanap. Isang pugot, naagnas at bahagyang sunog na bangkay ng bata ang kanilang natagpuan sa kalapit na Barangay ng Guadalupe at nang suriin nila ito, doon na tumambad sa kanila ang kaawa-awang biktima.

Sa aming panayam sa SOCO, posibleng ginahasa muna ang bata bago pinatay dahil nakahiwalay na sa katawan nito ang mga suot na damit at underwear.

Mas mainam raw na isailaim sa autopsy ang bangkay.

APARTMENT SA BORACAY NINAKAWAN TANGAY ANG PHP500K; ISA SA MGA SUSPEK ARESTADO

Ninakawan ang isang apartment sa So. Angol, Brgy. Manocmanoc sa Isla ng Boracay Huwebes ng madaling araw (Oct. 26).

At-large

Nakunan naman ng cctv ang nasabing insidente. Inakyat at pinasok ng dalawang suspek ang kwarto ng mag-asawa habang natutulog.

Kinilala ang biktima na si Crisanta Petersen, 46, at tubong Ibajay kasama ang asawang foriegn national.

Ayon kay PO3 Chris John Nalangan, imbestigador, natangay ng mga suspek ang nasa Php300,000, mga alahas, cellphone at iba pang karensiya na tinatayang aabot ng kalahating milyon.

Recto Retos (Arrested)

Sa follow-up operation naaresto ang isa sa mga suspek na kinilalang si Recto Retos y Salibio, 30, tubong Kalibo at kasalukuyang nagtratrabaho bilang habal-habal driver sa Boracay.

Narekober sa kanyang boardinghouse sa Sitio Cabanbanan, Brgy. Manocmanoc ang Php70,000 at cellphone na ninakaw sa nasabing mga biktima.

Patuloy pang tinutugis ng mga kapulisan ang isa pa niyang kasama.

PAWIKAN NATAGPUANG PATAY SA BAYBAYING SAKOP NG BORACAY

photo (c) Malay MDRRMO

Patay na ang pawikang ito ng matagpuan sa baybaying sakop ng isla ng Boracay umaga ng Huwebes (October 26).

May basag na ang shell ng nasabing pawikan nang ito ay matagpuan.

Base sa report ng Municipal Disaster Risk Reduction and Management Office (MDRRMO) ng Malay, ito ang data ng pawikan:

Length - 143cm

Width- 90cm

Circumference - 179cm

80 to 100 Kilos

Nagbabala naman ang MDRRMO sa taumbayan sa kanilang facebook post: "When they are gone, when every last life has been stolen, how will you remember them? EXTINCTION IS FOREVER".

FOOD TOURISM SITE PLANONG ITAYO SA BAYAN NG KALIBO

Ulat ni Darwin Tapayan, Energy FM 107 .7 Kalibo

Plano ngayon ng pamahalaang lokal ng Kalibo ang pagtatayo ng food tourism site sa kabiserang bayang ito.

Sinabi ni Rhea Meren, tourism officer ng Kalibo, sa pagharap sa regular session ng Sanggunian, itatayo ito sa kahabaan ng Veterans Avenue at tatawaging “Kalye Kulinarya sa Kalibo” (KKK).

Paliwanag ni Meren, ito ay resulta ng kahilingan ng iba-ibang tourism establishment para magbigay-sigla sa bayan ng Kalibo lalu na paggabi.

Nagsagawa narin umano ng ilang konsultasyon at pagpupulong ang pamahalaang lokal sa ilang mga negosyante at mga residente. Positibo umano ang kanilang mga reaksiyon rito.

Kaugnay rito, isinusulong ngayon ni committee chairman on tourism Sangguniang Bayan member Philip Kimpo Jr. ang pagsasabatas ng KKK.

Nakatakda itong sumailalim sa pagdinig sa Oktubre 30 para pag-usapan ang mga hinaing ng mga apektado kabilang na ang kalinisan, kaayusan ng lugar, at iba pa.

Sa Nobyembre 3, magkakaroon ng soft opening ang KKK sa kasagsagan ng founding anniversary ng Kalibo.

BUNDOK SA LIBACAO PUMUTOK?!

Palaisipan parin ang nangyaring pagputok ng lupang ito sa bulubunduking bahagi ng Brgy. Dalagsaan, Libacao noong Biyernes.

 Sa kabila nito nilinaw ni Mr. Jo Arlu Sabar ng Phivolcs-Aklan na walang bulkan sa Aklan.

 Pansamantalang lumikas ang ilang tao sa lugar matapos masira ang kanilang mga bahay.

 Wala namang naiulat na nasaktan sa hindi pa maipaliwanag na penomena.

BUDGET NG AKLAN SA 2018 NAKASALANG NA SA SANGGUNIANG PANLALAWIGAN

Pinag-aaralan na ngayon ng Sangguniang Panlalawigan ang panukalang batas sa paglalaan ng Php1,151,016,309.00 Annual Budget ng Probinsiya ng Aklan para sa iba-ibang gastusin ng gobyerno porobinsiyal sa susunod na taon.

Maliban rito isinusulong rin ang Php860 milyong pondo para sa operasyon ng Economic Enterprise Development Department (EEDD) para sa taong 2018.

Php199,533,261.80 naman ang planong ilaan ng gobyerno para sa iba-ibang proyekto ng pamahalaang lokal ng probinsiya sa ilalilm ng 20 percent Internal Revenue Allotment o IRA Development Fund.

Ang appropriation na ito ay unang iprinisenta sa regular session ng Sanggunian nitong Lunes (Oct. 23) at napagkasunduan sa plenaryo na i-refer ito sa committee of the whole.

ISA TINAGA, ISA HINAMPAS NG BASTON SA AWAY NG MAGKAKAPATID SA BAYAN NG MALINAO

Parehong sugatan ang magkakapatid na ito matapos mag-away sa Brgy. Cabayugan, Malinao kagabi.

Ang mga ito ay sina Lardy at Lario Berdandino.

Umuwi umano ng bahay si Lario, 24 anyos, lasing at pinagtataga ang dingding ng bahay.

Nang sitahin ito ng kuyang si Lardy, 33, ay tinaga siya ng kapatid na tumama sa kanyang ulo.

Hinampas naman ng baston ng kuya ang kanyang kapatid at natamaan rin sa kanyang ulo.

Pinag-agawan pa umano nila ang itak na bitbit ni Lario at nagpagulong-gulong sa lupa.

Parehong confine sa provincial hospital.

CHINESE NA NAGBEBENTA NG MGA PEKENG GADGET SA ISLA NG BORACAY, NAHULI NA

Nakilala na ng mga kapulisan ng Boracay ang Chinese National na nagbebenta ng mga pekeng gadget sa nasabing isla.

Kinilala ito na si Yuzhuan Wang, 55-anyos, base sa kanyang pasaporte.

Narekober sa kanya ng mga kapulisan ang umano’y tatlong pekeng mga brand ng laptop. 

Ayon sa Boracay Tourist Assistance Center, sasabihin umano niya sa kayang mabibiktima na natalo siya sa casino at kailangang-kailangan niya ng pera. 

Magmamakaawa umao ang nasabing foreign national na bilhin ang kanyang mga laptop sa kasing baba ng Php10,000.

Una nang nagbabala ang mga kapulisan sa Boracay kaugnay ng nasabing modus kasunod ng ilang reklamong natanggap nila mula sa mga nabiktima.

Sa ngayon ay hinihintay pa ng mga kapulisan ang pagharap ng mga biktima para kilalanin ang nasabing suspek para sampahan ng kaukulang kaso.

Nanawagan ang mga kapulisan na kung sino man ang nabiktima ng foreigner ay dumulog lamang sa tanggapan ng BTAC.

ISYU SA AKLAN HYMN PINAGDEBATEHAN SA SANGGUNIANG PANLALAWIGAN

Ulat ni Darwin Tapayan, Energy FM 107.7 Kalibo

Pinagdebatehan sa joint committee hearing ng Sangguniang Panlalawigan ang isyu tungkol sa partikular na linya ng Aklan Hymn Lunes ng umaga (Oct. 23).

Kasunod ito ng pagpuna ni SP member Harry Sucgang na mali ang linyang “May Ati ka, bantog sa kalibutan (May Ati ka, tanyag sa mundo)”. Paliwanag ng opisyal, hindi ang “ati” ang sikat kundi ang Ati-atihan festival.

Humarap sa nasabing pagdinig ang nagsulat na si Dr. Jesse Gomez at nanindigan na walang mali sa nasabing linya. Paliwanag niya, gumamit siya ng matalinhagang salita na tinatawag na “metonymy” sa linyang ito at ang salitang ati ay tumutukoy rin sa Ati-atihan.

Sinabi pa ni Gomez, bukas siya sa posibilidad na baguhin ang kanyang akda kapag nagdeklara ang Sanggunian na “erroneous” o mali ang partikular na linya.

Napag-alaman na noong Oktubre 2010, nagsulat rin sa Sanggunian si Sumra Dela Cruz-Rojo, anak ng namayapang manunulat na si Roman Dela Cruz, para punain ang parehong linya ng kanta. Ito ay matapos nang maisabatas ang “Among Akean” bilang opisyal na himno ng probinsiya. Bagaman dumaan sa mga pagdinig ang isyung ito noon, ayon kay Gomez, nakumbinsi naman umano si Rojo sa kanyang paliwanag.

Napagkasunduan naman sa pagdinig  ng mga committee on culture and the arts at ng laws and ordinances sa pangunguna ni SP Soviet Dela Cruz na idudulog na lang sa plenaryo naturang usapin.

Pinagpapasa naman ng bagong recording ng kanta si Sucgang kung saan gagamitin ang salitang Ati-atihan sa halip na ati sa nasabing linya ng Aklan hym.