Ilang estudyante sa isaang paaralan sa Batan ang sinapian umano

BATAN, AKLAN - Iniimbestigahan pa ng pamunuan ng Bay-ang Mapag-ong National High School ang umano'y insidente ng sapi sa kanilang paaralan.

Ayon kay Ramar Baladjay, principal ng paaralan, nasa anim umano ang pinaniniwalaang sinapian na pawang mga babae.

Tumanggi si Baladjay na magparecorded interview sa Energy FM Kalibo news team na personal na nagtungo sa kaniyang tanggapan pero sinabi niya na iniimbestigahan pa nila ang nangyari.

Nabatid na naganap ang insidente araw ng Lunes sa kasagsagan ng klase. Pero sinabi ng punong-guro na hindi magkasabay na "sinapian" ang anim.

Pinabulaan rin ng principal sa news team ang ulat na may suspensyon ng klase sa nasabing araw.

Oobserbahan umano nila ang mga nasabing estudyante sa mga susunod na araw. Kakausapin rin umano nila ang magulang ng mga dalaga hinggil sa kanilang kalusugan.##

- Kasimanwang Darwin Tapayan, Energy FM Kalibo