Basura sa Caticlan, Malay pwedeng ipamalit ng bigas

KALIBO, AKLAN - Hinihikayat ngayon ng mga opisyal ng Barangay Caticlan sa bayan ng Malay ang kanilang nasasakupan na ipalit ng bigas ang nakolekta nilang basura.

Sa inilabas na panuntunan ng Barangay, ang isang kilo ng mga ginupit na plastic sachets o isang kilo ng mga mapapakinabangan pang mga plastic bottle ay pwedeng ipalit ng isang kilong bigas sa barangay hall.

Pero paalala ng Barangay na ang offer na ito ay para lamang sa mga taga-Caticlan at ang isang household ay maaari lamang makakuha ng limang kilong bigas bawat buwan.

Dapat din na nakagupit sa maliliit na piraso ang mga basurang plastik kagaya ng mga sachet samantalang ang mga plastic bottle naman ay malinis at maaari pang gamitin o iresiklo.

Pwedeng tanggihan ng person in-charge sa "Plastic Barter Store" ang mga basura na malalaman na kinolekta sa labas ng Brgy. Caticlan. Habang padadalhin rin ng eco-bag ang mga magpapalit ng basura para lagyan ng bigas.

Nananawagan ang Sangguniang Barangay sa mga nais suportahan ang inisyatibong ito sa pamamagitan ng pag-donate ng bigas o "any goods" sa tanggapan ni Punong Barangay Ralf Tolosa.##

- Kasimanwang Darwin Tapayan, Energy FM Kalibo

Amerikanong sundalo nahulihan ng baril sa Caticlan Jetty Port

ISANG AMERICAN National ang nahulihan ng baril sa Caticlan Jetty Port sa Brgy. Caticlan, Malay kaninang umaga.

Kinilala sa ulat ng kapulisan ang suspek na si Tevin Lavell Vaughn, 24-anyos, isang aktibong sundalo.
Nasabat sa kanya ng mga otoridad ang isang 9mm laman ang walong ammunition.

Batay sa ulat, napansin umano ng duty x-ray machine operator ang imahe ng baril sa bag ng banyaga dahilan para usisain nila ito.

Tumambad sa mga otoridad ang nasabing baril. Nang hingan ng mga kaukulang dokumento ang Amerikano ay wala itong maipakita.

Nabatid na tatawid sana ng Isla ng Boracay ang banyaga kasama ang kanyang fiancée na isang Pinay nang mabulalyaso ang kanilang bakasyon.

Pansamantalang ikinulong sa Malay PNP Station ang susprek at nakatakdang sampahan ng kasong paglabag sa Republic Act 10591.##

- Kasimanwang Darwin Tapayan, Energy Fm 107.7 Kalibo

DILG advisory: hindi pauupuin si Cawaling bilang alkalde ng Malay

file photo

MALAY, AKLAN - Ilang oras nalang at uupo na sa pwesto ang mga bagong halal na mga opisyal ng gobyerno pagsapit ng 12:00 ng tanghahli ngayon araw. Pero iba ang sitwasyon dito sa bayan ng Malay.

Naglabas ng Advisory ang DILG 6 na hindi muna pauupoin si Malay Mayor-elect Ceciron Cawaling kaugnay ng kanyang dismissal order sa pwesto bilang alkalde ng Malay.

Mababatid na noong Abril 15, 2019 ay nagbaba ng desisyon ang Ombudsman na i-dismiss si Cawaling bilang alkale dahil sa kapabayaan umano sa Isla ng Boracay.

Naghain ng Motion for Reconsideration ang kampo ng alkalde pero wala pang resulta. Sa kabila nito, nanalo si Cawaling sa katatapos lang na eleksyon.

Kaugnay rito, sinabi ng DILG 6 sa advisory nitong Hunyo 27 na dapat ay temporaryo munang ibakante ang tanggapan ng alkalde.

Ayon pa sa advisory ang uupong alkalde ay ang bise-alkalde, at ang pinakamataas na opisyal ng Sangguniang Bayan member ang uupo naman sa pwesto ng bise-alkalde.

Sa nakalap na impormasyon ng Energy FM Kalibo, wala pang natanggap na advisory si Cawaling at itutuloy umano ng kanyang kampo ang inagurasyon ngayong araw.##

- Kasimanwang Darwin Tapayan, Energy Fm 107.7 Kalibo

Marijuana nasabat sa isang 20-anyos na lalaki sa Caticlan Airport

photo: Nickie Boy Cahilig

KALIBO, AKLAN - Inaresto ng kapulisan ang isang 20-anyos na lalaki matapos mahulihan ng isang sachet ng pinaniniwalaang dried marijuana leaves habang nasa Caticlan Airport.

Kinilala sa ulat ng Malay PNP ang suspek na si Ronnie Angelo Kyle Mabait, taga-Quezon City, at nagbabakasyon lamang sa Isla ng Boracay.

Nabatid na galing sa Isla ang suspek kasama ang kaniyang mga magulang at pasakay na sana ng eroplano umaga ng Miyerkules.

Pagdating sa departure area, pinaghinalaan umano ang suspek ng mga security dahil sa may bumubukol sa bulsa ng kanyang short rason na isinailalim siya sa pagrekisa.

Nasabat sa kanya ng mga otoridad ang sinasabing marijuana at ilang drug paraphernalia.

Ang nasabing lalaki ay inaresto ng kapulisan at isasailalim sa mandatory drug testing sa Iloilo. Isasailalim rin sa laboratory examination ang nasabing marijuana leaves.

Posibleng maharap sa kasong paglabag sa Republic Act 9165 o Comprehensive Dangerous Drugs Act ang nasabing suspek.##

- Kasimanwang Darwin Tapayan, Energy FM Kalibo

DPWH completes P8.53 million repair of Caticlan Jetty Port Road

Just in time for the opening of the world-renowned Boracay Island, the Department of Public Works and Highways (DPWH) has completed the repair of road leading to Caticlan Jetty Port in Malay, Aklan which also serves as the island’s main gateway.

According to DPWH-Region 6 Director Wenceslao M. Leaño, the 554-meter road repair project costing P8.53 million involves asphalt overlaying along the national road including road shoulder, repair of drainage system, de-clogging of pipe culverts, construction of box culverts, and installation of Reinforced Concrete (RC) pipes, metal frames, and gratings.

Installation of thermoplastic pavement markings along the newly-repaired road was also undertaken by the DPWH maintenance personnel.

“The completion of the project would further ease travel around the newly-rehabilitated Boracay Island,” said Director Leaño.

Moreover, DPWH has already completed linking the gaps of Boracay Circumferential Road. Despite the island’s reopening, DPWH shall continue road widening works of the circumferential road which is expected to be fully accessible by 2019.

Tourists are advised to manage their expectations when they visit Boracay since the widening cannot be easily carried out considering obstructions and multiple structures hindering the way for the project’s immediate completion.

Upon completion of the entire 4.12-kilometer Boracay Circumferential Road and its missing gaps at the backdoor of Bolabog Beach in Barangay Balabag, the wider and safer highway will promote a hassle-free travel for the foreign and local patrons of the famous island.##

- DPWH 6

BARANGAY KAGAWAD SA CATICLAN MALAY ARESTADO SA BUYBUST OPERATION!

Arestado ang isang barangay kagawad na ito sa ikinasang drug buy bust operation ng Philippine Drug Enforcement Agency at  Provincial Drug Enforcement Unit.

Kinilala ang suspek sa pangalang Cielo Tolosa, 35-anyos, kagawad ng Caticlan, Malay, Aklan.

Nakuhanan ng isang sachet ng hinihinalang shabu  ang suspek sa pamamagitan ng buybust operation kapalit ng Php500.00.

Isa pang sachet ng pinaghihinalaang shabu ang nakuha umano sa body search.

Mariin namang itinanggi ng suspek ang pagkakasangkot niya sa iliga na droga./ Archie Hilario, EFM Kalibo