Pasyente, bantay tinakawan it 2 ka cellphone sa Provincial Hospital

TINAKAWAN IT daywa ka cellphone ro sangka pasyente ag bantay it iba pang pasyente sa Dr. Rafael S. Tumbukon Memorial Hospital.

Ginkilaea ro mga tinakawan nga sanday Kimberly Ordas, pasyente, ag Alex Valencia, bantay it pasyente.

Suno kay Kimberly, naka-charge kuno ro daywa nga cellphone sa idaeom it anang folding bed sa hall way it medicare ward kabii.

Habugtaw kuno imaw kaina it agahon tag mapa-uhan na ag pati man ro anang mama ag papa nga naduea eon ro mga nasambit nga cellphone.

Ginaimbestigahan eon it mga guwardiya it hospital ro nasambit nga insidente pati man ku Kalibo PNP.##

- Kasimanwang Darwin Tapayan, Energy FM Kalibo