TINAKAWAN IT projector ag laptop ro opisina it prinsipal it Estancia Elementary School sa Brgy. Estancia, Kalibo.
Hapon it Martes nagdangop ro prinsipal nga si Ms. Marry Ann Alcedo sa Kalibo PNP para iparekord ro insidente.
Gintinguhaan it Energy FM Kalibo news team nga bue-an it paghayag si Ms. Alcedo angot sa natabu ugaling nagpamalibad imaw.
Ginasugid nga natabu ro insidente gabii ag pagkaaga, adlaw ng Martes, natueupangdan nga ro opisina hay sinueod it manakaw.
Paga-imbestigahan pa raya it theft and robbery section it Kalibo PNP.
Madumduman nga ku Enero 3 natueupangdan man nga ap-at ka kwarto it mga maestra ro sinueod ag ginpangmalitan ro anda nga mga pagkabutang.
Ginparekord man raya it mga maestra sa police station ag ginaimbestigahan pa it mga kapulisan ro nauna nga insidente.
Ro Estancia Elementary School hay nabutang sa kontobersiya hasta makaron bangud sa bagina nga nagapatunga sa kaabuan it mga manugturo at ku anda nga prinsipal.
Nagpetisyon man ro mga ginikanan it mga unga nga pahalinon sa eskwelahan o sayluhon ro prinsipal pero suno sa Deparment of Education (DepEd) - Aklan superintendent hay wa raya it basehan.##
No comments:
Post a Comment