Sugatan ang 48 anyos na lalaki matapos siyang tagain ng kapitbahay sa brgy. Lumaynay, Altavas kagabi.
Kinilala ang biktima na si Julie Sarmiento, 48 anyos, residente ng nasabing lugar; samantalang ang suspek ay kinilalang si Rey Cawaling, 40 anyos.
Ayon sa report ng Altavas PNP station, hinamon umano ni Sarmiento ng away ang suspek.
Parehong may bitbit na itak ang dalawa at agad na tinaga ng suspek ang biktima na natamaan sa kanyang kaliwang kamay.
Lumabas lamang umano ang suspek sa kanilang bahay para sana mag-awat ng away nang hamunin siya ng biktima.
Agad isinugod ang biktima sa provincial hospital pero matapos mabigyan ng kaukulang lunas ay inirefer rin sa out-patient department.
Napag-alaman na boluntaryo namang sumuko sa kagawad ng barangay ang suspek at dinala sa Altavas municipal police station para sa kaukulang disposisyon.
Patuloy pang iniimbestigahan ng mga kapulisan ang nasabing insidente.
No comments:
Post a Comment