2 HEPE, 49 POLICE NCO SA AKLAN NAPROMOTE SA MATAAS NA RANGKO

Aklan Provincial Police Office

ulat ni Darwin Tapayan, Energy FM 107.7 Kalibo

Na-promote sa pagiging police senior inspector ang dalawang hepe sa Aklan na sina PInsp. Ryan Panadero, ng Tangalan municipal police station, at PInsp. Willian Aguirre, ng Buruanga. 

Isinagawa ang pinning and oath-taking ceremony sa Police Regional Office 6.

Sa kapareho ring araw nai-advance din ang 49 Police Non-Commissioned Officer (PNCO) ng Aklan Police Provincial Office (APPO) sa mataas na rangko.

Pinangunahan ni PSupt. Pedro Enriquez, deputy provincial director for admin and operation, ang donning of ranks ceremony paLunes ng umaga sa Camp Pastor Martelino, Brgy. New Buswang, Kalibo.

Ayon kay APPO public information officer SPO1 Nida Gregas, sa 49 na PNCO na na-promote, 24 dito ang mga PO1, apat ang PO2, 14 ang PO3, anim ang SPO1, at isa ang SPO3. 

Ayon pa kay Gregas, todo suporta naman ang kanilang mga pamilya at kamag-anak para sa pagsusuot ng insignias sa mga nasabing pulis.

Nagpaabot naman ng kanyang pagbati si APPO provincial director PSSupt. John Mitchell V Jamili sa kanilang mga promosyon at nagpapasalamat sa paggaganap sa kanilang tungkulin.

USEC VALDEZ: HINDI DREDGING KUNDI MINING ANG GINAGAWA NG STL

ulat ni Darwin Tapayan, Energy FM 107.7 Kalibo

Black Sand extraction ng STL

Hindi dredging kundi mining ang ginagawa ng Santarli (STL) Panay Resources Inc. Ltd. sa Aklan river.

Ito ang ipinahayag ni Department of Environment and Natural Resources (DENR) under secretary Arturo Valdez sa panayam ng Energy FM Kalibo. Sinabi pa ng under secretary na isang panluluko ang ginagawa ng kompanya.

Martes ng umaga ay personal na bumisita si Valdez kasama ang ilang tauhan ng DENR sa So. Libuton, Brgy. Bakhaw Norte, Kalibo at inakyat ang dredging vessel ng kompanya na nakadaong dito.

Kasama rin nila ang mga tauhan ng Philippine Coastguard, National Bureau of Investigation, Armed Forces of the Philippines, at Philippine National Police.

Makikita sa loob ng barko ang mga buhangin at graba na nakuha sa mga inisyal dredging operation. Bagaman sinabi ng kinatawan ng STL na ito ay testing lamang ng kanilang gamit, wala itong patnugot ayon kay Valdez.

Sinabi ng pangalawang kalihim na walang inilabas na permit to transport, at permit to export ang Mines and Geosciences Bureau sa naturang operasyon

. Maliban rito, nakitaan rin sila ng mga paglabag sa environmental compliance certificate dahil sa mga pinsalang dulot ng kanilang operasyon.

Dahil rito, ipinababasura na ng under secretary ang lahat ng mga dokumento para sa dredging operation ng kompanya sa pagitan ng provincial government. Maliban rito, pinapa-hold muna ang barko at ang mga tripulante upang harapin ang mga kasong ipapataw sa kanila.

CONG. MARQUEZ: ITIGIL ANG DREDGING OPERATION

ulat ni Darwin Tapayan, Energy FM 107.7 Kalibo

Sang-ayon rin si lone district of Aklan congressman Carlito Marquez na itigil ang dredging operation sa Aklan river.

Ito ay kasunod ng pagprotesta ng mga taumbayan sa Bakhao Norte kung saan inirererklamo nila ang pagguho ng ilang bahay sa lugar dulot umano ng isinasagawang dredging operation sa d

ito.

Sinabi ni Marquez na kailangan munang kumpletuhin ng Santarli (STL) Panay Resouces Inc. Ltd. ang mga kaukulang requirement bago makapagsimula ng kanilang dredging operation sa Aklan river.

Sa ngayon ay nakikipagtulungan ang kongresista kay Kalibo mayor William Lachica upang makahanap ng kaukulang pondo para sa pagsasagawa ng istaka sa mga tabing ilog ng Bakhaw Norte.

Ang dating gobernador ang nagbigay-daan upang makapagsagawa ng dredging operation ang kompanya sa Aklan. Ayon sa kanya, dumaan na ito sa mga public consultation noon bago lagdaan ng pumalit na si governor Florencio Miraflores ang memorandum of agreement.

Bagaman sang-ayon siya sa dredging operation, dismayado siya sa pagmamadali ng STL dahil sa kakulangan ng dokumento at pagtutol ng mga mamamayan.

BASURA MALAKING PROBLEMA NG BORACAY – ISLAND ADMINISTRATOR

by Darwin Tapayan

Dahil sa patuloy na pagtaas ng bilang ng mga turista sa Isla ng Boracay taun-taon, kasabay rin nito ang malaking suliranin sa basura.

Nababahala si Boracay Island administrator Rowen Aguirre na kahit ano kahigpit ang gawin nilang kampanya, may mga turista paring walang pakundangan sa pagtatapon ng basura kahit saan.

Sinabi niya na ang basura ay isa sa mga malalaking problemang kinahaharap ng administraston ni Malay Mayor Ciceron Cawaling.

Kamakailan, may mga guro at mga magulang sa Manocmanoc Elementary School ang nagrereklamo na ang mga basura mula sa kalapit na dump site ay naging pinsala dahilan para maantala ang mga klase dito.

Ayon pa kay Aguirre, ang pamahalaang lokal ng Malay ay nangangailangan ng mas maraming deodorizer para maalis ang baho mula sa dump site.

Ang mga basurang nakokolekta sa buong isla ay dinadala sa dump site para sa pag-segregate saka ito dini-deodorize.

LOLO PATAY MATAPOS MABUNDOL NG MOTORSIKLO

ulat ni Darwin Tapayan, Energy FM 107.7 Kalibo

Patay ang isang 75 anyos na lalaki makaraang mabundol ng motorsiklo sa Brgy. Tabayon, Banga Lunes dakong alas-4:00 ng hapon.

Ayon sa imbestigador ng Banga municipal police station, tumatawid sa kahabaan ng diversion road ang biktimang si Riligioso Morallos, residente ng nasabing lugar, nang mabangga siya ng motorsiklo.

Bagaman bumusena umano ang driver ng motor ay hindi niya ito napansin dahil ayon sa pamilya ay problema ito sa pandinig. 

Galing ang driver ng motor sa Balete at papauwi na sana ng Brgy. Poblacion, Numancia kung saan ito pansamantalang nanunuluyan.

Agad na isinugod sa provincial hospital ang matanda pero binawian rin ng buhay habang nilalapatan ng lunas sa emergency roon dakong alas-5:00 ng hapon. Nabatid na nagtamo ng malubhang sugat ang matanda sa kanyang ulo dahilan para bawian siya ng buhay.

Sa pagresponde ng pulisya sa lugar, matiwasay namang lumapit sa pulisya ang driver ng motor na si Ruel Pingul, 34, collector, tubong Pampanga.

Nagkasundo na rin ang pamilya ng biktima sa motorista na hindi na magsasampa ng kaso.

DENR PINATITIGIL ANG DREDGING OPERATION SA AKLAN RIVER

ulat ni Darwin Tapayan, Energy FM 107.7 Kalibo

Zhong Hai 18 dredging vesssel

Pinatitigil na ng Department of Environment and Natural Resources (DENR) – Aklan ang dredging operation ng Santarli (STL) company sa Aklan river.

Sinasaad sa inilabas na cease and desist order ng tanggapan na hindi binigyan ng pahintulot ang STL na magsimula ng operasyon. Inutos rin na itigil muna ang anumang dredging operation sa lugar hanggang sa makumpleto ng kompanya ang lahat ng mga requirement mula sa gobyerno.

Paliwanag ng DENR-Aklan, nagsimula na ang operasyon ng Zhong Hai 18 dredging vessel na nakadaong sa bunganga ng Aklan river malapit sa So. Libuton, Brgy. Bakhaw Norte, Kalibo. Ito ang lumabas sa pagsusuring ginawa ng Joint Multi-sectoral Monitoring and Validation noong Enero 23.

Nakasaad sa cease and desist order sa anim na mga compartment ng barko, dalawa rito, ang compartment no. 3 at 4, ay may lamang 1,200 cubic meters ng sand sediments.

Maliban sa cease and desist order, naglabas rin ang DENR ng show cause order laban sa STL noong Enero 26 upang pagpaliwanagin sila kung bakit hindi sila dapat patawan ng legal sanction.

SMOKING ORDINANCE NG KALIBO I-A-ANUNSIYO MAGING SA MGA EROPLANO

ulat ni Darwin Tapayan, Energy FM 107.7 Kalibo

I-a-anunsiyo rin sa mga eroplanong lumalapag sa Kalibo International Airport ang anti-smoking ordinance ng bayan ng Kalibo bilang bahagi ng kampanya at implementasyon nito.

by SkyscraperCity

Ito ay makaraang ipasa ng Sangguniang Bayan ang proposed resolution no. 117 na humihiling sa mga eroplanong bumibiyahe sa Kalibo na mag-play ng informative in-flight advisory bago lumapag sa nasabing airport.

Sinabi ng may akda na si SB Philip Kimpo Jr. sa fourth regular session ng Sanggunian, malaking bagay ito upang mabigyan-kaalaman ang mga dayu tungkol sa ipinapatupad na ordenansa.

Nabatid mula sa lokal na mambabatas na ito rin ang pamamaraan ng ilang eroplanong bumibiyahe sa Davao kung saan ipinapatupad rin ang anti-smoking ordinance.

Maliban rito, hinihiling rin ng resolution sa Civil Aviation Authority of the Philippines (KAAP) – Kalibo na isama rin sa mga gagawing nilang signages ang “Smoke-Free Municipality”.

Una nang na-ireport na sa buwan ng Marso ay posibleng striktong nang ipatupad ang pagbabawal sa paggamit, pagbebenta, at pag-a-advertise ng sigarilyo at viping sa mga pampublikong lugar at paglalaan ng kaukulang penalidad sa mga lalabag rito.

DIOCESE OF KALIBO NADISMAYA SA MABAGAL NA AKSYON NG GOBYERNO SA ISYU NG DREDGING PROJECT

ulat ni Darwin Tapayan, Energy FM 107.7 Kalibo

Dismayado ang Diocese of Kalibo sa mabagal na aksiyon ng lokal na pamahalaan kaugnay sa hinaing ng taumbayan sa isyu ng dredging operation.

Kalibo Cathedral by Darwin Tapayan

Ayon kay Fr. Ulysses Dalida ng Social Action Center, naging mapagmatyag umano sila halos araw-araw sa galaw ng dredging vessel na dumaong sa baybayin ng So. Libuton, Brgy. Bakhaw Norte simula noong Nobyembre 22, 2016.

Napag-alaman na nagsasagawa ng mangrove reforestation ang Caritas sa lugar kasama ang Diocese of Kalibo kaya gayun na lang ang kanilang pagkabahala.

Katunayan anya, ipanaabot na niya ang hinaing ng Simbahan sa Sangguniang Panlalawigan kaugnay sa operasyon ng barko sa lugar noong Disyembre 8, 2016 pero wala paring aksiyon.

Sa kanilang pagmonitor, nagsagawa umano ng inisyal na pagkilos ang barko noong Disyembre 21, 26 at Enero 22. Naniniwala ang Simbahan na magdudulot ng pagguho ng lupa ang nasabing proyekto at nanindigan na itigil na ang nasabing proyekto.

Kinukuwestiyon, ni Dalida kung bakit kailangan pang umabot sa puntong magkilos protesta ang taumbayan bago sila nagsagawa ng aksiyon.

Ikinadismaya rin niya ang kakulangan ng public consultation bago ang nasabing operation. Hindi rin umano sila pinaalam sa proyekto at ginawang kabahagi ng binuong Multi-partite Monitoring Team.

Matatandaan na nagsagawa ng protesta ang mga taga-Bakhaw Norte Huwebes ng umaga upang mahigpit na tutulan ang dredging operation ng probinsiya at ang kontraktor na STL Panay. Reklamo pa nila na dahil sa inisyal na dredging operation ng barko ay gumuho ang lupa sa tabing-ilog ng So. Libuton.

NOTORIOUS SA PAGNANAKAW NG MANOK SA MALAY, KALABOSO; PULIS BIKTIMA RIN

ulat ni Darwin Tapayan, Energy FM 107.7 Kalibo

Arestado sa isinagawang hot pursuit operation ng Malay police station at Barangay Police Action Team (BPAT) ang kinikilalang magnanakaw ng manok sa bayan ng Malay.

Kinilala ang naaresto kay Roy Bantang y Dela Torre, 20 anyos, reside

nte ng Union, Nabas.

Kasama rin sa naaresto ang isang 14 anyos na lalaki na tinuturong kasama niya sa pagnanakaw.

Ayon sa report ng pulisya, sa araw lang ng Huwebes ay apat na katao ang nagsasabing ninakawan sila ng mga manok.

Isa sa na ninakawan ay si SPO1 Jaime Nerbeol Jr., 37 anyos, residente ng Poblacion, Buruanga na nagkataong imbestigador din sa nasabing kaso. 

Ayon kay Nerbeol, ninakaw ang isa niyang pangsabong na manok sa Sambiray, Malay ng mga naturang suspek.

Matapos mapag-alaman ang kinaroroonan ng mga suspek ay agad nagsagawa ng hot pursuit operation ang mga awtoridad sa Union, Nabas Huwebes dakong 11:30 ng umaga. Narekober sa 20 anyos na suspek ang manok ng pulis samantalang ang iba pang mga ninakaw ay posibleng naibenta na niya.

Napag-alaman na noong buwan ng Disyembre ay may mga naitala na ring kaso ng pagnanakaw ng pansabong na manok.

Sinampahan na ng kaukulang kaso ang 20-anyos samantalang ang menor de edad na kasama ay nasa pangangalaga muna ng Malay Social Welfare and Development Office.

MAG-LIVE-IN ARESTADO SA PAGTUTULAK NG DROGA; ISA PA SANGKOT DIN

ulat ni Darwin Tapayan, Energy FM 107.7 Kalibo

Hindi na nakapalag pa sa mga awtoridad ang mag-live-in partner at isa pa sa isanagawang drug buy bust operation sa Isla ng Boracay Huwebes ng gabi.

Sa buy bust operation dakong 9:00 ng gabi sa So. Bolabog, Brgy. Balabag, nabilhan ng isang sachet na naglalaman ng pinaghihinalaang shabu ang suspek na si Jeneveve Canja, 42 anyos, residente ng Tobias, Antique.

Narekober naman sa kanya ang Php1,000 mark money.

Maliban sa kanya inaresto rin ng mga awtoridad si Melchor Saron, 46 ng Brgy. Tagbaya, Ibajay makaraang maaktuhang nag-abot ng droga sa live-in partner. Narekober din sa kanyang posisyon ang apat pang sachet ng pinaghihinalaang shabu.

Hindi rin nakapalag ang kaibigan nilang si Jose Salvador Timoteo Cahilig na nagkataong presente sa nang gawin ang operasyon sa boarding house ng mag-live-in partner.

Ang operasyon ay isinagawa ng pinagsamang pwersa ng Malay police station, Boracay Tourist Assistance Center, Aklan Public Safety Company, Maritime Police at Philippine Drug Information Agency.

Nahaharap ang tatlo sa kasong paglabag sa Republic Act 9165 o Comprehensive Dangerous Drugs Act of 2002.

PAGGUHO NG LUPA SA BRGY. BAKHAW NORTE, KALIBO, HINDI DAHIL SA DREDGING – DPWH AKLAN

ulat ni Darwin Tapayan, Energy FM 107.7 Kalibo

Pinabulaanan ni Department of Public Works and Highway (DPWH) Aklan district engineer Noel Fuentebella na hindi dredging ang dahilan ng pagguho ng lupa sa tabing ilog ng So. Libuton, Brgy. Bakhaw Norte noong Linggo.

STL Panay dredging vessel

Ito ang sinabi ni Fuentebella sa pag-uusap niya kasama ang ilang opisyal ng Brgy. Bakhaw Norte makaraang magsagawa ng kilos protesta kasama ang mga mamamayan sa tanggapan ng DPWH Aklan.

Paliwanag ni Fuentebella, sa isinagawa nilang imbestigasyon, ang walang humpay na pag-ulan sa mga nakalipas na araw at pagbaha sa ilog ang dahilan ng pagguho ng lupa roon.

Gayunman nilinaw niya na dahil sa pagdredge sa sandbar sa bukana ng Aklan river kaya maaring nakadagdag ang hightide sa pagtaas ng tubig sa ilog dahilan para lumambot at gumuho ang lupa.

Nangako naman ang district engineer na hahanapan nila ng pondo ang kahilingan ni punong barangay Maribeth Cual na malagyan ng istaka o proteksyon ang kanilang barangay bago isagawa ang proyekto. Katunayan, naglaan na ng P38 milyon si Cong. Carlito Marquez sa layuning ito.

DENR AKLAN MAGLALABAS NG SHOW CAUSE ORDER LABAN SA STL PANAY

ulat ni Darwin Tapayan, Energy FM 107.7 Kalibo

Maglalabas ng show cause order ang Department of Environment and Natural Resources (DENR) Aklan  laban sa STL Panay upang pansamantalang itigil ang dredging operation sa Aklan river.

Energy FM Kalibo photo

Ito ang ipinahayag ni Merlene Aborka ng DENR Aklan sa mga opisyal at mga mamamayan mula sa Brgy. Bakhaw Norte sa isinagawang kilos protesta sa kanilang tanggapan Huwebes ng umaga.

Ang kilos protesta na ginawa ng mga taga-Bakhaw Norte ay upang tutulan ang dredging operation ng STL Panay sa Aklan river.

Nababahala ang mga tagaroon na maaaring gumuho ang ilang bahagi ng kanilang barangay kapag ituloy ang operasyon. 

Una nang naireport na nagsagawa na ng di umanoy dry run o testing ang dredging vessel sa bukana ng Aklan river sa sa Bakhaw Norte. 

Kaugnay rito isinisisi ng mga taga-roon ang pagguho ng lupa at pagakawasak ng nasa apat na bahay sa So. Libuton noong mga nakalipas na araw.

DREDGING VESSEL NG STL PANAY PALALAYASIN MUNA SA AKLAN

ulat ni Darwin Tapayan, Energy FM 107.7 Kalibo

Tila nabunutan ng tinik ang mga opisyal at taumbayan sa Brgy. Bakhaw Norte, Kalibo matapos maipaabot ang kanilang mga hinaing sa mga opisyal ng gobyerno kaugnay ng kanilang pagtutol sa dredging project sa Aklan river.

Energy FM Kalibo photo

Ayon kay punong barangay Maribeth Cual, sang-ayon umano si Aklan governor Florencio Miraflores na paalisin muna ang dredging vessel ng Santarli (STL) Panay sa baybayin ng So. Libuton, Brgy. Bakhaw Norte. 

Hiniling ng gobernador na magsagawa sila ng barangay resolusyon sa layuning ito. Anya, hanggang hindi nakakukumpleto ang mga kaukulang dokumento ang kompanya ay hindi pa maaring dumaong ang kanilang barko sa lugar.

Ito ang naging laman ng isinagawang closed-door meeting ng mga opisyal ng barangay at ilang mamamayan kasama ang gobernador makaraang magsagawa ng kilos-protesta Huwebes ng umaga sa harapan ng kapitolyo upang tutulan ang dredging project.

Ang Singaporean vessel ay nasa bayan ng Kalibo kaugnay ng dredging operation sa Aklan river. Gayunman sa kabila ng mga pagtutol at wala pang mga kaukulang permiso mula sa gobyerno ay nagsagawa na ng dredging.

Naninindigan si Cual na maaring gumuho ang ilang bahagi ng nasasakupang barangay kabilang na ang isla ng So. Libuton kapag ipinursigi ang dredging project. 

MOTORSIKLO AT TRICYCLE NAGSALPUKAN; 1 PATAY, 2 MALUBHA

ulat ni Darwin Tapayan, Energy FM 107.7 Kalibo

Isa ang patay samantalang dalawa naman ang malubhang sugatan sa nangyaring salpukan ng motorsiklo at tricycle sa Brgy. Bagacay, Ibajay Biyernes dakong alas-9:45 ng gabi.

Ayon kay PO1 George Ragalado Jr. , hindi na umabot pa ng buhay sa district hospital ng naturang bayan ang drayber ng motorsiklo na kinilalang si Jon Valdez, 14 anyos ng Brgy. Agdugayan, Ibajay.

Malubha naman ang kalagayan ng kanyang pinsan at backrider na kinilalang si Edward Hontiveros, 14 anyos, residente rin ng Brgy. Agdugayan.

Nagtamo rin ng malubhang sugat sa ulo ang drayber ng tricycle na kinilalang si Aldren Sorosa, 28 anyos ng Brgy. Unat ng parehong bayan.

Ayon sa imbestigador, binabaybay ng magpinsan ang barangay road patungong Brgy. Poblacion upang manood ng konsyerto nang agawin nila ang linya ng kasalubong na tricycle dahilan para sila ay magsalpukan.

Parehas silang dinala sa district hospital pero diniklarang dead on arrival ang driver ng motorsiklo. Samantalang naka-confine ngayon sa mga prominenteng ospital sa Kalibo ang dalawa pa.

Maswerte namang nagtamo lamang ng minor injuries ang tatlong pasahero ng tricycle.

Patuloy pa ngayon ang imbestigasyon ng pulisya hinggil sa kaso.

2 ARESTADO SA KAGULUHAN SA BISPERAS NG PIYESTA SA ALTAVAS; 1 NAKUHAAN NG ILIGAL NA DROGA; 1 NANUNTOK NG BABAENG PULIS

ulat ni Darwin Tapayan, Energy FM 107.7 Kalibo

Arestado ang dalawang lalaki makaraang magsagawa ng kaguluhan sa loob ng social hall sa bayan ng Altavas sa kasagsagan ng bayle kaugnay ng pagdiriwang ng Ati-atihan roon Sabado dakong alas-2:40 ng madaling araw.

Nanlaban pa ang suspek na si Reymark Negado, 21 anyos ng Brgy. Linayasan sa parehong bayan, kay PO2 Rowena Villar nang arestuhin siya sa gate ng social hall. Siniko umano niya ang pulis at sinuntok sa paa.

Samantala, arestado rin si Junmark Raz, 22 ng Brgy. Linayasan. Maliban rito nakunan

pa siya ng pinaghihinalaang dried marijuana leaves sa kanyang pitaka.

Pansamantalang ikinulong ang dalawa sa Altavas police station bago iniharap sa kaukulang korte.

4 AKLANON WAGI SA AGE GROUP AT OPEN CHESS TOURNAMENT

ulat ni Darwin Tapayan, Energy FM 107.7 Kalibo

Precious Day Yecla

Wagi ang apat na Aklanon  sa National Open Chess Championship at National Age Group Championship Visayas Qualifying Leg na isinagawa sa isang bar garden at mall sa Kalibo Enero 18 hanggang 21.

Sa under 20 age category nakuha ni Mira Mirano ng Kalibo ang 1st place at nakapag-uwi ng Php2,000 cash prize.

Sa under 12 girl naman, nakuha ni Precious Yecla Day ng Kalibo ang 1st place at pera na Php1,500.

Sa under 8 girl, ang tanging babaeng nakakuha ng puwesto ay si Kristine Pamintuan ng Brgy. Estancia, Kalibo na nag-uwi rin ng Php1,500.

Samantala, sa Open Chess Tournament naman, nakuha ni Kevin Mirano ang unang puwesto at nakapag-uwi ng Php10,000 cash prize. 

Nakuha rin ng kanyang kapatid na si Jan Francis Mirano ang pangsiyam na posisyon at Php700 sa parehong kategorya.

Maliban sa cash prize na nakuha ng mga nanalo ay ginawaran din sila ng tropeo at medalya. Sila ay nakatakdang sumabak sa national competition.

Ayon kay Fred Neri, Aklan provincial sports development officer III,  nilahukan ang age-group category ng 66 kalahok  mula sa Visayas at maging sa ibang bahagi ng bansa. Ang open category naman ay nilahukan naman ng 20 atleta.

Sinabi ni Neri na ang magkakapatid na Mirano at si Yicla ay maituturing na ‘Aklanon chess wizard’.

Ang kompetisyong ito ay inorganisa ng Philippine Sports Commision, National Chess Federation of the Philippines (NCFP) at ng Peter I. Kimpo Memorial Chess Tournament sa pakikipagtulungan ng lokal na pamahalaan ng Aklan.

PAGGUHO NG LUPA SA BAKHAW NORTE KALIBO, ISINISI SA DREDGING PROJECT NG STL

ulat ni Darwin Tapayan, Energy FM 107.7 Kalibo

photo as provided in Kalibo PNP station

Sinisisi ng taumbayan ng Bakhaw Norte ang pagguho ng lupa sa So. Libuton sa ginagawa umanong dredging project ng Santarli company.

Ayon kay barangay kagawad Duvil Duran, nagsagawa umano ng dredging ang dredging vessel ng nasabing kompanya Linggo ng umaga dahilan ng pagguho ng lupa sa nabanggit na lugar.

Ayon kay Duran, apektado ng naturang pagguho ang nasa apat na kabahayan.

Ang nasabing barko ay nakaankla umano sa tabing baybayin ng nasabing lugar nasa 150 metro ang layo.

Sa panayam ng Energy FM Kalibo kay Engr. Roger Esto, tagapagsalita ng Management Monit

oring Team, magsasagawa umano sila ng imbestigasyon hinggil rito.

Giniit naman ni Esto na wala pang hudyat ang MMT sa Santarli upang simulan ang kanilang dredging project sa Aklan river. Katunayan anya, hindi pa nila naisusumite ang kanilang a-state survey, isang pangunahing requirement para masimula ang proyekto.

Posible anyang maharap sa kaukulang kaso ang Santarli kapag napatunayang may paglabag sila sa kanilang operasyon.

PAGPAPANGALAN NG BAKHAWAN ECO-PARK SA YUMAONG SI ATTY. QUIMPO, ISINUSULONG SA SB KALIBO

ulat ni Darwin Tapayan, Energy FM 107.7 Kalibo

Isinusulong ngayon sa Sangguniang Bayan ng Kalibo ang panukalang pagsasapangalan ng Bakhawan Eco-Park sa New Buswang Kalibo sa yumaong si Atty. Allen S. Quimpo.

by Trip Advisor

Sa draft proposed resolution no. 105 na inihain nina SB member Mark Quimpo at Philip Kimpo Jr. sa 2nd regular session ng Sanggunian, nais nilang tawaging “Allen Salas Quimpo Bakhawan Eco Park” ang nasabing lugar.

Ang panukala umanong ito ay upang bigyang pagkilala ang dating leader sa hindi mapapantayang na-i-ambag sa kasalukuyan at sa mga susunod pang henerasyon ng mga Aklanon.

Sumailalim na sa committee meeting ang proposed resolution Lunes ng hapon kung saan inayayahan rito ang pamilya ng dating Kalibo mayor at kongresista ng Aklan upang marinig ang kanilang panig. Sang-ayon naman ang pamilya sa panukalang ito. 

Ayon sa anak na si Allan Angelo na siyang humalili sa ama bilang chairman ng Kalibo Save the Mangrove Association (KASAMA), isang non-government organization na namamahala sa nasabing parke, hindi umano sila tutol rito basta ang pangalan na Bakhawan Eco-park ay kailangang panatilihin.

Ang Bakhawan Eco-Park ay isang 220-hectare mangrove reforestation na sinimulan ni Atty. Quimpo noong 1990 na nagsisilbing panakip sa malalakas na daluyong at pagbaha. Maliban rito, isa nang tourism destination sa buong mundo ang nasabing eco-park.

3 BAHAY SA ISLA NG BORACAY NASUNOG!

 Ulat ni Archie Guray Hilario, EnergyFm107.7 Kalibo

filler only

Tinupok ng apoy ang dalawang bahay samantalang partially burned naman ang isa pa sa nangyraing sunog sa Sitio Hagdan, Brgy Yapak sa isla ng Boracay, Miyerkules dakong alas-7:00 ng gabi.

Sa report ng Boracay Tourist Assistance Center (BTAC) nagmula ang apoy sa tahanan ni Jonelyn Delos Reyes, at tumawid sa dalawa pang bahay na pagmamay-ari ng mga magkakapatid na sina Joralyn Esto at Anecito Delos Reyes Jr.

Agad namang rumesponde ang mga bombero sa lugar at banda alas-8:10 na ng gabi nang idiklarang naapula ang apoy

Ang mga bahay nina Jonelyn at Anecito ay totally damaged, pagdeklara ng imbestigador.

Sa inisyal na report, nasa P700,000 ang tinatayang pinsala ng nasabing sunog.

Matatandaan na noong Lunes, may nangyari ring sunog sa So. Tulubhan, Brgy. Manocmanoc sa nasabing kung saan apektado rito ang isang apartment, isang bahay at isang bodega. Tinatayang nasa P600,000 naman ang pinsala ng nasabing sunog.

Inaalam pa ngayon ng BFP-Boracay ang mga dahilan ng parehong sunog.

LGU MALAY HINILING SA KAPITOLYO ANG PAG-TURN OVER NG BORACAY ROAD

main road Brgy. Balabag by Darwin Tapayan

Hinihintay nalang ngayon ng lokal na pamahalaan ng Malay ang sagot ng provincial government kaugnay ng kanilang hiling na ibigay sa kanila ang pamamahala sa circumferential road ng Boracay.

Ayon sa may akda ng resolusyon na si Sangguniang Bayan member Floribar Bautista, kayang-kaya umanong pamahalaan ng Malay ang nasabing kalsada.

Paliwanag ng lokal na mambabatas, ang pagkakaroon anya ng total control and management sa circumferential road ay magbibigay-daan sa kanila upang matugunan ang suliranin sa trapiko sa Boracay.

Ang panukalang ito ay sinang-ayunan naman ng lahat ng konsehal.

Saklaw ng Boracay circumferential road ang mga kalsada sa mga barangay Yapak, Balabag at mga sitio Cagban at Tambisaan sa Brgy. Manocmanoc.

ASIA’S FIRST GRANDMASTER TORRE NAGPAKITANG GILAS SA MGA ATLETANG AKLANON

ulat ni Darwin Tapayan, Energy FM 107.7 Kalibo

1st day of the tournament. By Darwin Tapayan

Nagpakitang gilas sa mga atletang Aklanon ang kinikilalang Asia’s First Grand Master sa larangan ng chess Eugene Torre sa isang mall dito sa bayan ng Kalibo araw ng Martes. Siya ay sumabak sa 10-chess board simultaneous exhibition bilang bahagi ng 7th Peter I. Kimpo Memorial Chess Tournament.

Si Torre ay narito sa Kalibo upang saksihan ang tatlong araw na National Open Chess Tournament Championship at National Age Group Chess Championship mula Miyerkules hanggang Biyernes.

Ang larong ito ay nilahukan ng mga atleta mula sa iba-ibang bahagi ng bansa.

Sa kanyang mensahe sa pagsisimula ng tournament, sinabi ni Torre sa mga batang atleta na maging positibo sa paglalaro ng chess at sa buhay.

Samantala, ayon kay Kalibo Sangguniang Bayan member Philip Kimpo Jr., maliban sa turismo, edukasyon at iba pang bagay ay isinusulong rin anya nila ang “sports tourism” sa lalawigan.

Sinabi pa ng lokal na mambabatas  na ang Kimpo Chess Tournament ay isa nang national event na kinikilala ng National Chess Federation of the Philippines. Dahil anya rito mas marami pa ang bibisita sa lalawigan na malaking bagay upang mapalago ang lokal na ekononimiya.

Si SB Kimpo ay pamangkin ni Peter Kimpo, isang mahusay na manlalaro at mentor ng mga kabataan sa chess.

MANDATORY DRUG TEST SA MGA TRABAHANTE SA BORACAY ISINUSULONG

by Darwin Tapayan

Isinusulong ngayon ng Sangguniang Bayan ng Malay ang resolusyon  na kinakailangang isailalim sa mandatory drug test ang mga manggagawa sa Isla ng Boracay.

Ayon kay SB Member Dante Pagsugiron, may akda ng nasabing panukalang batas, ito ay follow up sa mandatory drug testing sa mga empleyado ng lokal na pamahalaan ng Malay

na una na ngang naaprubahan sa konseho.

Ang resolusyon ay inirefer sa Committee on Rules at Committee on Tourism para sa pagbusisi sa 3rd regular SB session araw ng Martes.

Samantala, umangal naman ang ilang mga trabahante sa isla kaugnay ng nasabing resolusyon, sinasabing dagdag gastusin lamang ito para sa kanila.

UNANG MALAWAKANG SCREENING PARA SA MGA ELECTIVE MEDICAL CASES VICTIMS SA AKLAN NAGSIMULA NA NGAYONG ARAW

ulat ni Darwin Tapayan, Energy FM 107.7 Kalibo

Screening in Boracay by Darwin Tapayan

Nagsimula na ang unang malawakang screening para sa mga elective medical cases victim sa lalawigan ng Aklan.

Ayon kay George Imperial Jr. ng Mabuhay Deseret Foundation, ang elective medical cases ay mga kasong hindi agad nangangailangan ng paggamot at hindi nakakamatay. Gayunman ipinaliwanag niya na ang mga kasong ito ay nagdudulot ng discrimination sa kanila.

Sinabi pa niya na ito ang dahilan kung bakit hindi ito gaanong natutukan ng pamahalaan.

Kabilang anya sa mga kasong ito ang duling, bingot, may katarata, may glukoma, pagkaputol ng paa, clubfoot at iba pa.

Sinabi niya na ang karamihan sa mga biktimang ito ang hindi nakakapagtapos ng pag-aaral at nakakapagtrabaho dulot ng kanilang kapansanan.

Sa pakikipagtulungan sa pamahalaang lokal ng Aklan at iba pang organisasyon, ang screening ay  unang isinasagawa sa Boracay araw ng Martes.

Sa Miyerkules ay sa bayan ng Malay, sa Huwebes sa Buruanga, Biyernes sa Lezo, at Sabado sa Tangalan.

Ang makakapasa sa screening ay ipapadala sa mga prominenteng hospital sa Cebu at Manila.

Ang Deseret Foundation ay itinatag noong 1988 para sa layuning makatulong sa mga mahihirap na nakakaranas ng kasong ito.

ZERO MAJOR INCIDENT SA ATI-ATIHAN – APPO

ulat ni Darwin Tapayan, Energy FM 107.7 Kalibo

Walang anumang malalaking kaso ng insidente ang naitala sa Ati-atihan.

Ati-atihan 2017 by Darwin Tapayan

Ayon kay Aklan Provincial Police Office chief public information officer Nida Gregas, ginamit umano nila ang innovative strategy para masiguro ang seguridad at kaligtasan sa pagdiriwang ng Ati-atihan ngayong taon.

Nakipagtulungan ang mga kapulisan mula sa Regional Public Safety Battalion 6 at ang mga provincial offices ng Capiz, Iloilo at Antique para sa pagdiriwang na ito.

Nagpasalamat siya sa mga Philippine army, mga tanod, coastguard, at iba pang law enforcers.

Pinasalamatan rin niya ang mga katuwang nila sa emergency response kabilang na ang provincial at municipal disaster risk reduction ang management offices, Provincial Health Office, mga pribado at pampublikong hospital at Red Cross.

Malaki rin anya ang naging responsibilidad ng media sa pagbibigay impormasyon sa taumbayan kaugnay ng mga ipinapatupad nilang mga batas kaugnay ng pagdiriwang. Kabilang dito ang pagbabawal ng bagpack, pagbibitbit ng babasaging bote, mga patalim, at pagbibitbit ng baril.

SADSAD 2017 WINNERS:

Black Beauty Boys

Mga Kasimanwa ito po ang mga nanalo sa Sadsad Contest sa Kalibo Ati-atihan Festival base po sa opisyal na resulta na inilabas ng Kasafi:

TRIBAL BIG GROUPS

-Black Beauty Boys (Linabuan, Kalibo) – champion (7 year straight) - P180,000

-Vikings (Barangay Dumga, Makato) - second - P100,000

-Kabog (Barangay Estancia, Kalibo) - third place - P60,000

Consolation P20,000 each

-Maharlika of Dumga, Makato

-Pangawasan of Cayangwan, Makato

-Tribu Tiis-Tiis of New Buswang, Kalibo.

TRIBAL SMALL GROUP

-Tribu Alibangbang – Linabuan Norte, Kalibo - champion and got P80,000

-Tribu Bukid Tigayon (Last year’s champion) - second place - P50,000

-Tribu Responde (New Buswang, Kalibo) - third place - P40,000

Consolation prize - P10,000 each

-Tribu Ninolitos of Tigayon, Kalibo

-Lezo Tribe of Ibao, Lezo

-Tribu Tikbalang of Manhanip, Malinao

MODERN GROUP

-Royal Scorpio – first place, P70,000

-Aeang-Aeang – second place, P30,000

-Pirates 1962 – third place, P20,000

-Pagmukeat and D’Emagine - consolation prize, P10,000 each

-Road Side, Lagalag 27 Original, Gala Drumbeat, and Bae-ot Bae-ot – other participants, P5,000 each

BALIK ATI

-Tribu Ilayanhon mga Inapo ni General Candido Iban – first, P70,000

-Apo ni Inday – second, P30,000

-Malipayong Ati – third, P20,000

-Kinantuing, Maninikop and Sinikway nga Ati – consolation prize, P10,000

-Anono-o Group – other participant, P5,000

ORIGINAL ATI (INDIVIDUAL)

Enigmatic Verushka, La Negra Picca and Balik Ati – P3,000 each

MODERN TRIBAL (INDIVIDUAL)

Mangwayen, Pantastika and Immortal – P3,000 each

Congratulations!

20 ANYOS NA LALAKI NAAKSIDENTE SA BAGONG KALIBO-NUMANCIA BRIDGE

ulat ni Darwin Tapayan, Energy FM 107.7 Kalibo

Nagtamo ng sugat sa mukha at sa iba pang bahagi ng katawan ang isang 20 anyos na motorista makaraang bumangga ang menamanehong motorsiklo sa tricycle sa bagong Numancia-Kalibo bridge Biyernes ng gabi.

Kinilala ang nasabing lalaki na si Philip Delfin y Tipay, residente ng Brgy. Navitas, Numancia.

Ayon sa biktima papauwi na umano siya galing ng Kalibo pasado alas-6:00 ng gabi nang aksidenteng bumangga ang sinasakyang motorsiklo sa tricycle.

Paliwanag ng biktima, bigla nalang umanong huminto ang tricycle sa kanyang unahan at dahil sa pababa ang dulo ng tulay sa Brgy. Bulwang, Numancia ay hindi agad niya nakontrol ang kanyang motorsiklo. Dito bumangga ang biktima at natumba sa konkretong daanan.

Napag-alaman na nakainom rin ang lalaki.

Agad naman siyang sinaklolohan ng mga tao sa lugar at isinugod sa provincial hospital.

Hanggang ngayon ay nagpapagaling pa ang lalaki sa nasabing pagamutan.

Nabatid na madilim ang lugar lalu at wala pang mga nailagay na ilaw sa bagong tulay. Una nang nangako ang DPWH Aklan na lalagyan nila ito pagkatapos ng Ati-atihan.

'PANGALAGAAN AT PROTEKTAHAN ANG MGA ATI’ – PANAWAGAN NG DIOCESE OF KALIBO

ulat ni Darwin Tapayan, Energy FM 107.7 Kalibo

“Pangalagaan at protektahan ang mga ati.”

Kalibo Cathedral by Darwin Tapayan

Ito ang panawagan ni Bishop Jose Corazon Tala-oc ng Diocese of Kalibo sa pamahalaan at taumbayan sa kanyang homiliya sa pilgrim mass Linggo ng umaga kaugnay ng sanglinggong pagdiriwang ng Kalibo Sto. Niño Ati-atihan festival.

Binanggit pa ng obispo ang bahagi sa Aklan hymn kung saan sinasabing ‘[Ikaw Aklan…] may ati ka, bantog sa kalibutan’. Pero basi sa kanya, tila napapabayaan na lamang ang mga ati.

Inihalimabawa pa niya ang sitwasyon ng mga ati sa Boracay kung saan nahihirapan umano sila sa sarili nilang lugar. Paliwanag pa ni Tala-oc na posible anya na walang Ati-atihan ngayon kung wala sila.

Ang mga ati ang unang naninirahan sa isla at kalaunan ay ginawaran ng pamahalaan ng sariling lugar para sa kanila, pero sa kabila nito ay nakakaranas parin ng mga banta sa pagnanais na makuha ang kanilang teritoryo.

Samantala, nanawagan rin siya sa mga debotong Katoliko na maging mapagpakumbaba, at maging simple kagaya ng sanggol na Jesus.

Ang misang ito sa harapan ng St. John the Baptist Cathedral ay dinaluhan ng libu-libong mga deboto at mga panauhin.

30 TRIBU AT GRUPO HUMATAW SA ATI-ATIHAN SA KABILA NG ULAN

ulat ni Darwin Tapayan, Energy FM 107.7 Kalibo

Black Beauty Boys

Hindi nagpapigil sa paghataw ang 30 tribu at grupo na kalahok sa Ati-atihan contest sa unang araw ng judging sa kabila ng walang humpay na pagbuhos ng ulan Sabado ng umaga.

Hindi rin magkamayaw ang mga lokal at mga foreign tourist sa panunuod ng makukulay na costume ng mga kalahok at masisigla nilang sadsad.

Ang mga kalahok sa tribal small tribe ay ang Tribu Ninolitos, Tribu Bukid Tigayon, Lezo Tribe, Tribu Alibangbang, Tribu Tikbalang at Tribu Responde.

Humataw naman sa big tribal category ang Vikings, Maharlika, D'Kamanggahan, Pangawasan Tribe, Tribu Timawa, Kabog, Tribu Tiis-tiis, at anim na taong sunod na panalo na Black Beauty Boys.

Sa modern group naman ay hataw rin ang Gala Drumbeat, Scorpio, Road Side, Lagalag 27 Original, Pagmukeay, Pirates 1962, Bae-ot Bae-ot, D'Emagine, Aeang-aeang.

Sa balik category naman ay humataw rin ang Tribu ni Inday, Sinikway nga Ati, Ano-noo Group, Maninikop, Kinantuing, Malipayong Ati, at Tribu Ilayanhon.

I-aanunsyo ang mga panalo sa Magsaysay Park Linggo ng gabi.

PUNONG BARANGAY SA NUMANCIA, AKLAN ARESTADO SA PAGMAMALTRATO NG BATA

ulat ni Darwin Tapayan, Energy FM 107.7 Kalibo

Arestado ang punong barangay ng Brgy. Laguinbanwa West, Numancia sa bisa ng warrant of arrest sa kasong paglabag sa Republic Act 7610 two counts o Child Abuse Law.

Ang nasabing arestado ang kinilalang si Alvin Nabor y de Miguel, 43 anyos.

Ang warrant of arrest ang isinirbi ng Criminal Investigation Detection Group (CIDG), Numancia Municipal Police Station, Aklan Tracker Team ala-1:30 ng hapon ng Lunes sa kanyang residensya.

Ang warrant of arrest ay inilabas ni Bienvinido Barrios ng Regional Trial Court Branch 3.

Ayon kay PO2 Felizardo Navarra Jr. ng Numancia PNP, pansamantalang nakalaya ang punong barangay makaraang nakapaghain ng piyensya na tig-P80,000 bawat isa.

MOTORSIKLO SUMALPOK SA MULTICAB; 1 PATAY, 1 MALUBHA

ulat ni Darwin Tapayan, Energy FM 107.7 Kalibo

Patay ang isang 15-anyos na drayber ng motorsiklo makaraang sumalpok ang menamanehong sasakyan sa isang nakaparkeng multicab sa Brgy. Laguinbanwa West, Numancia, Linggo ng gabi samantalang malubha naman ang kalagayan ng isa niyang angkas.

Kinilala ang namatay na si Joshua Vega at ang angkas na si Marnel Nicodemus, 18 anyos, pawang mga residente ng Camansi Sur, Numancia.

Sa imbestigasyon ng pulisya, alas-10:20 ng gabi nang sumalpok ang kanila

ng sinasakyang motorsiklo sa multicab na nakaparke sa highway. Galing umano sa bayan ng Kalibo ang mga biktima at may susunduin sana sa nabanggit na lugar.

Agad na isinugod ang drayber sa isang pribadong hospital makaraang magtamo ng malubhang sugat sa leeg, likod, dibdib, at iba pang bahagi ng katawan gayunman ay binawian rin ng buhay kinabukasan. Ayon sa kanyang tiyo na si SB Jerome Vega, namatay dakong 10:30 ng umaga.

Samantala, naka-confine parin sa surgical intensive care unit ng provincial hospital ang angkas makaraang nagtamo ng pagkabali sa kaliwang paa, ulo at iba pang bahagi ng katawan.

DELIVERY TRUCK SUMALPOK SA VAN; 1 PATAY, 1 SUGATAN

ulat ni Darwin Tapayan, Energy FM 107.7 Kalibo

Balete PNP station. File photo

Patay ang drayber ng isang delivery truck samantalang sugatan naman ang isang pahenante makaraang sumalpok ang menamanehong sasakyan sa nakaparkeng wing van sa national highway ng Brgy. Aranas, Balete pasado alas-8:00 Sabado ng umaga.

Sa imbestigasyon ng Balete PNP station, galing umano ang nasabing truck sa Capiz at patungong Kalibo nang pagdating sa pakurbadang bahagi ng kalsada ay aksidente itong sumalpok sa isang nasiraan at nakaparkeng wing van sa nabanggit na lugar.

Bali ang kanang paa ng driver na kinilalang si Antonio Lacrete, 47 anyos ng Estancia, Iloilo samantalang nagtamo rin ng sugat sa iba-ibang bahagi ng katawan ang pahenanteng si Samuel Avelino, 54 ng Roxas City, Capiz. Sa kabilang banda, maswerte namang nagtamo lang ng minor injury ang isa pang pahenante nito.

Naisugod pa sa provincial hospital ang dalawa banda 9:50 ng umaga pero binawian rin ng buhay dakong 12:10 ng tangnhali ang drayber habang ginagamot sa emergency room samantalang na-confine naman ang kanyang kasama.

Nabatid na may early warning device naman sa lugar bago ang nasiraang sasakyan.

Sa ngayon ay patuloy pa ang imbestigasyon ng pulisya hinggil sa nangyari.

DRUMMER SUGATAN MATAPOS MATUMBA ANG MENAMANEHONG TRICYCLE

ulat ni Darwin Tapayan, Energy FM 107.7 Kalibo

Dr. Rafael S. Tombokon Memorial Hospital

Hindi na nakasali pa sa sadsad ng kanilang grupo sa Kalibo Ati-atihan Festival ang isang 24-anyos na lalaki makaraang tumumba ang menamanehong tricycle Sabado ng umaga sa national highway ng Brgy. Calimbahan, Makato.

Ang biktima ay nakilalang si Christian Tubera, 24 anyos, residente ng Tondog, Tangalan at drummer ng Gala Drumbeat - grupong kalahok sa modern group category ng Ati-atihan 2017.

Patungo na sana ng bayan ng Kalibo ang biktima sakay ang tatlong iba pa nang aksidente itong bumangga sa nakatumpok na buhangin sa gilid ng kalsada.

Naipit ang biktima nang matumba ang tricycle dahilan para magtamo ito ng sugat sa iba-ibang bahagi ng katawan. Agad namang nasakluluhan ang biktima at naisugod sa provincial hospital. 

Naka-confine ngayon ang lalaki samantala ang tatlong iba pa ay mga out-patient naman makaraang magtamo lamang ng mga kaunting sugat.

13 ANYOS NA BABAE BIKTIMA NG LASLAS BAG GANG SA ATI-ATIHAN

ulat ni Darwin Tapayan, Energy FM 107.7 Kalibo

Mag-ingat sa mga laslas bag, bulsa gang!

Isang 13-anyos na babae ang posibleng biktima ng laslas bag gang s

a kasagsagan ng Kalibo Ati-atihan Festival umaga ng Sabado.

Salaysay ng biktimang si Jessamin Yrra Dela Vega, residente ng Toting Reyes st., Brgy. Andagao, Kalibo, nagulat na lang umano siya nang mapag-alamang nawawala na ang kanyang cellphone at passbook na nakalagay sa loob ng kanyang knapsack.

Dito niya napag-alaman na nilaslas ang kanyang bag dahilan para makuha ng hindi pa nakikilalang suspek ang kanyang mga gamit. Maswerete naman anya na hindi nakuha ang kanyang wallet na nasa loob din ng parehong bag.

Ayon pa sa biktima, posible umanong nangyari ito dakong alas-11:00 ng umaga habang nasa kahabaan siya ng Veterans Avenue sa bayan ng Kalibo partikular sa may Kalibo Elementary School habang nanonood ng sadsad.

Hindi umano niya namalayan ang pangyayari at nakalayo na sa lugar bago niya napag-alaman ang naturang insidente.

Minabuti niya itong iparekord sa Kalibo police station habang ang kaso ang ini-refer sa theft and robbery section ng pulisya para sa posibleng imbestigasyon.

MGA KANDIDATA NG MISS U BINISITA ANG ISLA NG BORACAY

by Darwin Tapayan, Energy FM 107.7 Kalibo

file photo

Dumating sa Isla ng Boracay ang nasa 16 hanggang 20 kandidata ng Miss Universe Sabado ng umaga para sa ilang aktibidad.

Nabatid na lumapag ang kanilang sinakyang eroplano sa Caticlan Airport dakong alas-8:00 ng umaga at pagkatapos ay agad na dumiretso sa Caticlan jetty port kasama ang nasa 100 production staff.

Pagakatapos nito ay sumakay ang mga kandidata sa speed boat patungong prestihiyosong resort and spa sa isla para sumabak sa kauna-unahan nilang out of town pictorial sa beach area ng nasabing hotel.

Samantala, alas-3:00 ng hapon ay babalik ang mga kandidata sa Metro Manila para sa iba pang pre-pageant activities.

Una ng naibalita na sasaksihan ng mga kandidata ang selebrasyon ng ati-atihan sa Kalibo pero dahil sa pangamba sa seguridad ay minabuti ng organizers na ipagpaliban ito.

Pinapanatili rin nilang konpedensyal ang iba pang detalye hinggil sa mga aktibidad ng mga kandidata dahil sa mahigpit na seguridad. Pinagbabawal rin ang magselfie sa kanila.

Mahigpit ngayon ang pinapatupad na seguridad sa lugar ng mga tauhan ng PNP, AFP, Philippine Coast Guard at iba pang ahensiya ng gobyerno maliban sa sariling securities ng organizing committee ng international pageant competition.

SUNUD-SUNOD NA MGA KASO NG NAKAWAN NAITALA SA KASAGSAGAN NG ATI-ATIHAN

ulat ni Darwin Tapayan, Energy FM 107.7 Kalibo

Sunud-sunod na kaso ng nakawan ang naitala sa Kalibo police station Huwebes ng hapon sa kasagsagan ng Hegante Parade at bulto ng tao kaugnay ng pagdiriwang ng Ati-atihan sa Kalibo.

Nagreport sa police station si Jan Michael Fuentes na habang nasa Pastrana Park ay nawalan umano ng kanyang wallet habang ito ay nasa sling bag ng kanyang asawa. Laman umano ng wallet na ito ang pera na tinatayang nasa Php4,000, mga ATM, at iba pang mga importanteng dokumento.

Ninakawan rin umano ng kanyang wallet na nasa kanyang backpack ang isang 16 anyos babae at high school student habang ay nasa Pastrana Park. Ayon sa biktima, laman ng wallet na ito ang perang tinatayang Php1,000, at school ID.

Ninakawan rin umano ng kanyang wallet ang isang 24-anyos na si Airon Bantigue habang ito ay nakalagay sa loob ng kanyang u-box ng kanyang motorsiklo na nakaparke sa harapan ng isang mall. Laman ng wallet na ito ayon sa biktima ang pera na nagkakahalaga ng Php3,700, mga ID at iba pang mga dokumento.

Naniniwala ang mga ito na sila ay nabiktima ng mga hindi pa nakikilalang mga suspek.

Samantala ang mga kasong ito ay patuloy pang iniimbetigahan ng mga awtoridad.

LGU BALETE, GRAND CHAMPION SA HEGANTE PARADE

ulat ni Darwin Tapayan, Energy FM 107.7 Kalibo

Panalo sa isinagawang Hegante Contest ng Aklan Provincial Tourism Office Huwebes ng hapon ang lokal na pamahalaan ng Balete sa kanilang hegante na professional chef. Inuwi nila ang premyo na Php45,000.

Nars nga Ati ng Tangalan, 2nd place

Sinundan naman ito ng Tangalan sa ikalawang pwesto sa kanilang hegante na Nars na Ati at natanggap ang Php40,000 na premyo. Pangatlo sa pwesto ang New Washington sa ka

nilang hegante na Aura Bombero at nag-uwi naman ng Php35,000.

Nakamit naman ng Batan ang ika-apat na pwesto at premyo na Php30,000 sa kanilang hegante na Doktornga Ati nga Batangnon. Nakapasok naman sa top five ang Ibajay sa kanilang hegante na Seaferer Ati at nag-uwi ng Php25,000.

Ang lima pang munisipyo na kalahok sa taunang contest sa sanglinggong pagdiriwang ng Kalibo Ati-atihan ay nag-uwi naman ng Php15,000 consolation prize. Ang mga ito ay bayan ng Banga, Kalibo, Malinao, Nabas, at Numancia.

Ang parada ng mga hegante ay sinabayan ng mga opisyal at empleyado ng mga lokal na pamahalaan.

Napag-alaman rin na bago pa ang contest ay binigyan na sila ng subsidiya upang gamitin sa kanilang entry.

MAGKAKAPATID TINAGA NG KAINUMAN; 1 PATAY

ulat ni Darwin Tapayan, Energy FM 107.7 Kalibo

Hindi na umabot pa ng buhay sa ospital ang isang 40-anyos na mangingisda makaraang tagain sa ulo ng kapwa nito mangingisda at kainuman Miyerkules dakong alas-11:00 ng gabi sa Brgy. El Progreso, Buruanga. 

Ayon sa report na ipindala ng Aklan Provincial Police Office (APPO), kinilala ang namatay na si Jerry Panganiban, residente ng nasabing lugar.

Nagtamo rin ng taga sa ulo ang kanyang kapatid na si Stephen Panganiban, 36 anyos, isang magsasaka at residente rin ng nasabing lugar, makaraang tagain rin siya ng parehong suspek.

Kinilala sa report ang suspek na si Luisito Fedelis, 39.

Nabatid na nag-iinuman umano ang tatlong nang may nangyaring mainitang pagtatalo sa kanila at sa galit ng suspek ay pinagtataga niya ang magkakapatid.

Agad na isinugod sa paggamutan ng Buruanga ang dalawa pero deneklarang dead on arrival si Jerry.

Samantala sa inisyal na report, ay pinaghahanap pa ng mga awtoridad ang suspek.

MISTER TINAGA NI MISIS SA MAKATO, AKLAN; MISTER KRITIKAL

ulat ni Darwin Tapayan, Energy FM 107.7 Kalibo

Kritikal ngayon ang kalagayan ng isang 39-anyos na mister makaraang tagain ng sari

ling misis sa So. Datu, Brgy. Poblacion, Makato dakong 11:15 ng gabi.

Ayon sa report ng pulisya, kinilala ang biktima na si Julie Lachica samantalang ang asawa nito ay si Emma Lachica, 40.

Napag-alaman na tanghali nang dumating ang mister galing Maynila at inaasahan na uuwi agad ang misis galing trabaho bilang isang sales clerk ng isang construction supply.

Nang dumating umano ang asawang babae galing trabaho dakong alas-6:00 ay hindi na pinahalik at pinayakap ng kanyang mister. Sa halip ay pinagdudahan siyang may kalaguyo, sinampal, at binato pa ng hallow block na maswerte namang hindi tumama sa babae.

Dahil hindi matiis ng misis, dumating sa puntong tinaga niya ang mister sa ulo. Nakaconfine ngayon sa intensive care unit ng isang pribadong hospital sa Kalibo ang lalaki at posibleng dalhin sa prominenteng hospital sa Iloilo para intensibong paggamot.

Inaresto naman ng pulisya ang babae at nakakulong ngayon sa Makato police station.