Ginbaton eon ku mga benipisaryo it Pantawid Pamilyang Pilipino Program 4Ps ro andang bayad sa ginhimo nanda nga pagpang-limpyo sa mga Kabaranggayan it Kalibo matapos nga ro Probinsya hay naka-rekord it mataas nga numero it measles. Suno kay Ms. Lolly Espino, MSWD Officer it Kalibo, ro DSWD hay naghimo it Food For Work Activity agud magpang-limpyo sa mga Kabarangayan agud matapna man pagtaas ku numero it Dengue Cases.
Tig 200 ka mga 4Ps ro ginlista sa Programa sa kada mga Brgy. nga gin-identify it mga Brgy. Officials. Ro andang pagpanarabaho hay sa sueod it 2 adlaw ag Food Pack nga nagabalor it tig P360.00 ro nagiging sweldo.
Samtang sa ginpatigayon man nga Monday Flag Raising Ceremony, ginbalita ni Mayor William Lachica ro pagahimuon nga MOA Signing ku Joint Venture Agreement sa tunga ku LGU Kalibo ag Phil. Slaughter House Management Operation PSMO Inc. May pagahimuon pa gid nga Ground Breaking ku Kalibo Meat Plant sa Hunyo 13 ag pagkahapon man hay pagahimuon ro Blessing it Children’s Playground sa Kalibo Pastrana Park. Ginbalita pa gid ku Alkalde ro ginahimo nga may konstruksyon it Drainage System sa may D. Maagma St., paadto sa C. Quimpo St. sige man ro pag-instolar it Traffic Light sa may porsyon it Citymall.
- Donniel Aguirre, LGU Kalibo / RADYO NATIN Kalibo
No comments:
Post a Comment