SA PAGPANGUNA ni Mayor Rodell R. Ramos it banwang Batan ro Project RODELL (Rare Opportunities For Development thru Learning Literature) hay ginhiwat kahapon July 3, sa Batan Elementary School.
Umabot sa sobra 600 ro nagpartisipar halin sa Elementary ag Secondary schools sa banwa it Batan.
Ro Programa hay naga handom nga mabuligan ro mga pamatan-on, School-Paper Advisers mapanami ro Education Program sa Batan ag mataw-an it ihibaeo rayang mga inunga nahanugod sa tama nga impormasyon ag pagbalita. Daya naga suporta sa R.A. 7079 or Campus Journalism Act of 1991.
Si Hon. Mayor nagapati nga rayang mga inunga hay mabahoe gid ro maikabulig sa banwa sa maabot nga mga inadlaw kung sanda hay mahasa andang mga potensyal bukon eang it sa linya it sports pati man sa Akademiks.
Sa kabuligan it DepEd Batan sa panguna ni Mr. Rudy R. Magcope, District Supervisor ag ni Mayor Ramos, natuman du handom it mga inunga nga makahiwat man it training sa Journalism sa sarili nandang banwa.
Sa mensahe ni Mayor Ramos, 100% anang suporta sa programa ngara kaibahan ro mabaskog nga presensya ag suporta it bilog nga DepEd-Batan.
Madinaeag-on ro paghiwat it rayang programa kung siin gintambungan it trainers sa Journalism naghalin pa sa ibang lugar.
Raya hay isaea eamang sa mga programa it batang Mayor, nasayuran nga padayon du mga konstruksyon makaron sa rayang banwa. Naga handum imaw it progresibo nga banwa sa anang pag panguna.##
- photos and text contributed by J'Philip Lauron
No comments:
Post a Comment